Першы энергаблок БелАЭС выведзены ў чарговы планава-папераджальны рамонт. Пра гэта паведамляе тэлеграм-канал «Мінэнерга Афіцыйны».
Рамонт штогод праводзіцца на атамных станцыях згодна з устаноўленым рэгламентам для забеспячэння надзейнасці функцыянавання абсталявання і тэхналагічных сістэм.
На першым блоку БалАЭС выканаюць частковую перазагрузку ў рэактары свежага ядзернага паліва, правядуць рэвізію абсталявання рэактарнай устаноўкі, турбагенератара, галоўных цыркуляцыйных помпаў і іншага абсталявання і тэхналагічных сістэм.
Спецыялісты таксама правядуць кантроль металу і дыягностыку зварных злучэнняў абсталявання. Акрамя таго, будзе рэалізаваны шэраг мерапрыемстваў, накіраваных на павышэнне надзейнасці і эфектыўнасці работы энергаблока.
Звязда, 6 кастрычніка 2023
Ссылка на текущий документ: http://belarus.kz/aktueller/2-1/18/71125
Текущая дата: 28.12.2024