"Гэта палітычнае рашэнне не мае дачынення ні да патэнцыялу ЮНЭЙДС, ні да наяўнасці сродкаў, ні да распаўсюджвання эпідэміі, - падкрэсліла Элеанора Гвоздзева. - ЮНЭЙДС вызначыла, што тыя вынікі, якія паўплываюць на эпідэмію глабальна, могуць быць дасягнуты ў Афрыцы. У нашым рэгіёне застаюцца ў фокусе дзве краіны - Расія і Украіна".

Паводле слоў Элеаноры Гвоздзевай, тое, што закрываецца офіс, "яшчэ не значыць, што ўсё закрываецца і спыняецца - будзе крыху інакш, будуць іншыя ігракі на полі, будзе іншая праграма".

Каардынатар офіса ЮНЭЙДС у Беларусі рэкамендавала арыентавацца на інавацыйныя партнёрствы: з СНД, парламентам, прыватным бізнесам і г.д. Новыя партнёрствы дапамогуць знайсці ўстойлівыя схемы фінансавання праблемы ВІЧ унутры Беларусі.

Гэтаму можа садзейнічаць даследаванне, якое цяпер праходзіць пры падтрымцы ЮНЭЙДС, - у ім будуць вызначаны магчымыя шляхі і прапанавана стратэгія мабілізацый нацыянальных рэсурсаў.

Чакаецца, што ў даследаванні будуць сфармуляваны прапановы арыгінальных крыніц фінансавання (гэтак жа, як у Францыі праграмы па ВІЧ/СНІДу фінансуюцца праз нацыянальную авіякампанію).

"Самае надзённае пытанне для ўсіх у бліжэйшыя гады - як выбудаваць стратэгію з новымі партнёрамі ў рэгіёне", - рэзюмавала Элеанора Гвоздзева.

28 снежня 2012, Мінск
БЕЛТА

Ссылка на текущий документ: http://belarus.kz/aktueller/2-1/199/18649

Текущая дата: 08.11.2024