Усе сістэмы жыццязабеспячэння працуюць у нармальным рэжыме, а калі і ўзнікаюць няштатныя сітуацыі, дык яны ліквідуюцца ў кароткія тэрміны. Напрыклад, толькі за адны суткі былі аператыўна ліквідаваны пашкоджанні паветраных ліній электраперадач у Мастоўскім, Маларыцкім, Мінскім раёнах. У Ляхавіцкім раёне камунальнікі хутка выправілі наступствы прарыву трубаправоду халоднага забеспячэння. Статыстыка пажараў сведчыць пра тое, што большасць грамадзян прыслухаліся да рэкамендацый Міністэрства па надзвычайных сітуацыях. За апошні час колькасць пажараў па прычыне парушэння правілаў эксплуатацыі пячнога ацяплення было мінімальным.

Разам з тым МНС заклікае не страчваць асцярожнасці і быць пільнымі і ўважлівымі. Стала дрэнна чалавеку на вуліцы — выклікайце "хуткую дапамогу". Падазроная асоба імкнецца патрапіць у падвал ці на гарышча дома — звяртайцеся ў ЖЭС. Не адмаўляйце ў дапамозе аўтамабілісту, чыя машына заглухла. Наша бяспека — у нашых руках!

Сяргей Расолька
Звязда, 3 лютага 2012

Ссылка на текущий документ: http://belarus.kz/aktueller/2-1/221/12018

Текущая дата: 30.11.2024