Праваабаронцу Алесю Бяляцкаму дазволілі развітацца з бацькам у адным з мінскіх моргаў. Аб гэтым паведаміла жонка Бяляцкага Наталля Пінчук.
Паводле яе слоў, напярэдадні, 26 снежня, да апошняга моманту не было вядома, ці адпусцяць Бяляцкага на пахаванне бацькі. "Супрацоўнікі дэпартамента выканання пакаранняў узмоцнена сазвоньваліся з міліцыяй, але не гаварылі нічога канкрэтнага. Адказу на тое, ці будзе прысутнічаць Бяляцкі на пахаванні, не было", — адзначыла Пінчук.
Аднак, прыехаўшы 27 снежня ў 8 гадзін раніцы забіраць цела бацькі Бяляцкага з морга, жонка асуджанага праваабаронцы ўбачыла там шмат людзей у цывільным з рацыямі і міліцэйскія машыны. "Я зразумела, што майго мужа прывезлі ў морг", — сказала Пінчук. Тэрыторыя морга на Далгінаўскім тракце была ачэплена, і пабочных асоб на развітанне не дапусцілі, у прыватнасці праваабаронца Валянціна Стэфановіча. У морг маглі прайсці толькі блізкія сваякі.
Алесю Бяляцкаму дазволілі пабыць каля цела бацькі каля 10 хвілін. Ён памаліўся каля труны. "Прыкладна 15 хвілін мы размаўлялі з мужам пад пільным наглядам ахоўнікаў. У асноўным Алеся цікавілі апошнія моманты жыцця бацькі, паколькі пра яго смерць ён даведаўся толькі раніцай 27 снежня", — адзначыла Наталля.
Адразу пасля развітання Алесь Бяляцкі быў адканваіраваны ў следчы ізалятар у Жодзіна, а ахова з тэрыторыі морга знята.
Віктар Усціновіч Бяляцкі памёр 24 снежня на 84-м годзе жыцця. Яго пахаванне пройдзе 27 снежня ў Светлагорску (Гомельская вобласць).
Раней праваабаронцу Алесю Бяляцкаму неаднаразова адмаўлялі ў развітанні з бацькам. 26 снежня жонка праваабаронцы атрымала пісьмовую адмову ў дэпартаменце выканання пакаранняў МУС. Вусная адмова таксама была атрымана ў пракуратуры, паведаміла Наталля Пінчук БелаПАН.
У абодвух ведамствах спаслаліся на тое, што заканадаўствам не прадугледжана магчымасць такога спаткання для асоб, у дачыненні да якіх прыгавор яшчэ не набыў законную моц.
Віцэ-прэзідэнт Міжнароднай федэрацыі правоў чалавека, кіраўнік закрытага ўладамі праваабарончага цэнтра "Вясна" Алесь Бяляцкі 24 лістапада быў прыгавораны да чатырох з паловай гадоў пазбаўлення волі ў калоніі ўзмоцненага рэжыму з канфіскацыяй маёмасці. Ён прызнаны вінаватым ва ўтойванні даходаў у асабліва буйным памеры. Падставай для крымінальнага пераследу Бяляцкага стала інфармацыя аб яго замежных банкаўскіх рахунках, перададзеная ў Мінск чыноўнікамі Літвы і Польшчы ў рамках двухбаковых пагадненняў аб прававой дапамозе. Потым польскія і літоўскія ўлады выказалі прабачэнні Бяляцкаму і яго сям`і.
Сяргей Пульша, БелаПАН
Мінск, 27 снежня 2011
Аднак, прыехаўшы 27 снежня ў 8 гадзін раніцы забіраць цела бацькі Бяляцкага з морга, жонка асуджанага праваабаронцы ўбачыла там шмат людзей у цывільным з рацыямі і міліцэйскія машыны. "Я зразумела, што майго мужа прывезлі ў морг", — сказала Пінчук. Тэрыторыя морга на Далгінаўскім тракце была ачэплена, і пабочных асоб на развітанне не дапусцілі, у прыватнасці праваабаронца Валянціна Стэфановіча. У морг маглі прайсці толькі блізкія сваякі.
Алесю Бяляцкаму дазволілі пабыць каля цела бацькі каля 10 хвілін. Ён памаліўся каля труны. "Прыкладна 15 хвілін мы размаўлялі з мужам пад пільным наглядам ахоўнікаў. У асноўным Алеся цікавілі апошнія моманты жыцця бацькі, паколькі пра яго смерць ён даведаўся толькі раніцай 27 снежня", — адзначыла Наталля.
Адразу пасля развітання Алесь Бяляцкі быў адканваіраваны ў следчы ізалятар у Жодзіна, а ахова з тэрыторыі морга знята.
Віктар Усціновіч Бяляцкі памёр 24 снежня на 84-м годзе жыцця. Яго пахаванне пройдзе 27 снежня ў Светлагорску (Гомельская вобласць).
Раней праваабаронцу Алесю Бяляцкаму неаднаразова адмаўлялі ў развітанні з бацькам. 26 снежня жонка праваабаронцы атрымала пісьмовую адмову ў дэпартаменце выканання пакаранняў МУС. Вусная адмова таксама была атрымана ў пракуратуры, паведаміла Наталля Пінчук БелаПАН.
У абодвух ведамствах спаслаліся на тое, што заканадаўствам не прадугледжана магчымасць такога спаткання для асоб, у дачыненні да якіх прыгавор яшчэ не набыў законную моц.
Віцэ-прэзідэнт Міжнароднай федэрацыі правоў чалавека, кіраўнік закрытага ўладамі праваабарончага цэнтра "Вясна" Алесь Бяляцкі 24 лістапада быў прыгавораны да чатырох з паловай гадоў пазбаўлення волі ў калоніі ўзмоцненага рэжыму з канфіскацыяй маёмасці. Ён прызнаны вінаватым ва ўтойванні даходаў у асабліва буйным памеры. Падставай для крымінальнага пераследу Бяляцкага стала інфармацыя аб яго замежных банкаўскіх рахунках, перададзеная ў Мінск чыноўнікамі Літвы і Польшчы ў рамках двухбаковых пагадненняў аб прававой дапамозе. Потым польскія і літоўскія ўлады выказалі прабачэнні Бяляцкаму і яго сям`і.
Сяргей Пульша, БелаПАН
Мінск, 27 снежня 2011
Ссылка на текущий документ: http://belarus.kz/aktueller/2-1/224/11495
Текущая дата: 30.11.2024