Мяркуецца, што ўдзельнікі канфэрэнцыі прымуць сумесны мэмарандум аб паразуменьні, які замацоўвае асноўныя прынцыпы, каштоўнасьці і мэты дзейнасьці Нацыянальнай плятформы. Гэты дакумэнт будзе адчынены для падпісаньня ўсімі зацікаўленымі арганізацыямі грамадзянскай супольнасьці Беларусі.

Кіраўнік рады Міжнароднага кансорцыюму "ЭўраБеларусь" Уладзімер Мацкевіч выказаў такое меркаваньне:

"Прыняцьце мэмарандуму дазволіць аб`яднаць грамадзянскую супольнасьць і весьці размову зь беларускім ўладамі і міжнароднай супольнасьцю не ад імя невялікіх грамадзкіх арганізацый, а ад імя ўсёй грамадзянскай супольнасьці".

Сёньняшняя канфэрэнцыя дапаможа таксама падрыхтавацца беларускай дэлегацыі да ўдзелу ў агульным Форуме грамадзянскай супольнасьці "Усходняга партнэрства". Ён пройдзе ў Познані 28-30 лістапада.

Уладзімер Глод
Радыё Свабода, 29 кастрычніка 2011

Ссылка на текущий документ: http://belarus.kz/aktueller/2-1/230/10243

Текущая дата: 30.11.2024