У міліцыю звярнуўся супрацоўнік службы бяспекі аднаго з гандлёвых цэнтраў. Увечары 1 красавіка мужчына знайшоў у кафэ забытую сумку з буйной сумай грошай, мабільным тэлефонам і двума пашпартамі — Расійскай Федэрацыі і Бельгіі. Выказаўшы здагадку, што гаспадар хутка вернецца, рэч пакінулі. Аднак уладальнік так і не аб’явіўся, і ахоўнік паведаміў пра знаходку праваахоўнікам.

Цяпер знойдзеная маёмасць знаходзіцца ў Маскоўскім РУУС Брэста. Праваахоўнікі шукаюць уладальніка. «Гэты выпадак з’яўляецца прыкладам таго, што сумленнасць і прыстойнасць не засталіся ў мінулым. Спадзяемся, такія паводзіны стануць нормай у нашым грамадстве», — дапоўнілі ва УУС.

Звязда, 2 красавіка 2023