Судовая калегія Мінскага гарадскога суда 25 сакавіка не задаволіла касацыйную скаргу асуджанага па справе аб масавых беспарадках Васіля Парфянкова. Прыгавор пакінуты без зменаў, паведамілі праваабаронцы.
Справу разглядала калегія суддзяў: старшыня Назаранка пры ўдзеле Крата і Хоміча.
Асабіста Васіля Парфянкова на судзе не было. Яго інтарэсы прадстаўляў адвакат Ігар Папкоўскі. У сваім выступленні ён звяртаў увагу суда на тое, што высновы суддзі Вольгі Комар, якая вынесла прыгавор, няправільныя, паколькі ў справе яго падабароннага няма складу злачынства — удзел у масавых беспарадках. Адвакат папрасіў адмяніць прыгавор Парфянкову і спыніць крымінальны пераслед. Пры гэтым Папкоўскі таксама звярнуў увагу, што ў прыгаворы фігуруе "знішчэнне маёмасці", але нават грамадзянскі ісцец казаў пра "пашкоджанне маёмасці", з чаго вынікае, што няма складу ч. 2 арт. 293 Крымінальнага кодэкса.
Пракурор Загародскі не пагадзіўся з высновамі скаргі і сцвярджаў, што віна цалкам даказаная матэрыяламі справы.
Як паведаміў БелаПАН адвакат Папкоўскі, ён будзе падаваць касацыйную скаргу на рашэнне калегіі суддзяў на імя старшыні Мінскага гарадскога суда.
Актывіст штаба экс-кандыдата ў прэзідэнты Уладзіміра Някляева 27-гадовы Васіль Парфянкоў быў затрыманы 4 студзеня ў якасці падазронага ў масавых беспарадках 19 снежня ў Мінску. 17 лютага Парфянкоў прызнаны судом Фрунзенскага раёна Мінска вінаватым у злачынстве, прадугледжаным часткай 2 артыкула 293 Крымінальнага кодэкса (удзел у масавых беспарадках), і прыгавораны да чатырох гадоў пазбаўлення волі з адбываннем пакарання ў калоніі строгага рэжыму. Апрача таго, ён павінен выплаціць больш як 14 млн. рублёў за разбітыя дзверы ў Доме ўрада падчас несанкцыянаванай акцыі апазіцыі.
Марына Носава, БелаПАН
Мінск, 25 сакавіка 2011
Асабіста Васіля Парфянкова на судзе не было. Яго інтарэсы прадстаўляў адвакат Ігар Папкоўскі. У сваім выступленні ён звяртаў увагу суда на тое, што высновы суддзі Вольгі Комар, якая вынесла прыгавор, няправільныя, паколькі ў справе яго падабароннага няма складу злачынства — удзел у масавых беспарадках. Адвакат папрасіў адмяніць прыгавор Парфянкову і спыніць крымінальны пераслед. Пры гэтым Папкоўскі таксама звярнуў увагу, што ў прыгаворы фігуруе "знішчэнне маёмасці", але нават грамадзянскі ісцец казаў пра "пашкоджанне маёмасці", з чаго вынікае, што няма складу ч. 2 арт. 293 Крымінальнага кодэкса.
Пракурор Загародскі не пагадзіўся з высновамі скаргі і сцвярджаў, што віна цалкам даказаная матэрыяламі справы.
Як паведаміў БелаПАН адвакат Папкоўскі, ён будзе падаваць касацыйную скаргу на рашэнне калегіі суддзяў на імя старшыні Мінскага гарадскога суда.
Актывіст штаба экс-кандыдата ў прэзідэнты Уладзіміра Някляева 27-гадовы Васіль Парфянкоў быў затрыманы 4 студзеня ў якасці падазронага ў масавых беспарадках 19 снежня ў Мінску. 17 лютага Парфянкоў прызнаны судом Фрунзенскага раёна Мінска вінаватым у злачынстве, прадугледжаным часткай 2 артыкула 293 Крымінальнага кодэкса (удзел у масавых беспарадках), і прыгавораны да чатырох гадоў пазбаўлення волі з адбываннем пакарання ў калоніі строгага рэжыму. Апрача таго, ён павінен выплаціць больш як 14 млн. рублёў за разбітыя дзверы ў Доме ўрада падчас несанкцыянаванай акцыі апазіцыі.
Марына Носава, БелаПАН
Мінск, 25 сакавіка 2011
Ссылка на текущий документ: http://belarus.kz/aktueller/2-1/251/5419
Текущая дата: 25.12.2024