Санкцыі Еўрасаюза і ЗША не пахіснулі ўпэўненасці Аляксандра Лукашэнкі ў правільнасці сваіх дзеянняў 19 снежня. "Калі б гэта адбылося зноў, заўтра, паслязаўтра ноччу, я б дзейнічаў дакладна так, як дзейнічаў тады", — заявіў ён у інтэрв`ю газеце The Washington Post.
"Гэта значыць, нікога не збіваючы, не забіваючы, не гвалтуючы, абараняў бы Дом урада так, як гэта належыць па Канстытуцыі і законе, — сказаў Лукашэнка. — Калі вы хочаце мяне папракнуць у тым, што я абараніў Канстытуцыю і закон, так і напішыце ў Злучаных Штатах Амерыкі, што "Вашынгтон пост" папракае прэзідэнта Беларусі, што ён дзейнічаў строга па Канстытуцыі і законе".
"Мы таксама спадзяваліся на тое, што амерыканцы і Еўропа — гэта прыстойныя людзі, якія вельмі зацікаўлены ў тым, каб наша краіна была суверэннай і незалежнай, і што вы можаце выбудоўваць з намі прыстойныя адносіны. Але падзеі 19 снежня нас пераканалі ў тым, што вы гэтага не хацелі і да 19 снежня", — заявіў афіцыйны лідар.
На яго думку, у Беларусі "ні ў якой меры не менш дэмакратыі і свабоды, чым у Злучаных Штатах Амерыкі".
"Калі б любы грамадзянін ЗША ўчыніў злачынства, а побач з ім быў экс-кандыдат у прэзідэнты, яны б адказвалі на роўных. Чаму вы вылучаеце чатырох там ці сем, як вы сказалі, былых кандыдатаў, дзеянні якіх нібыта павінны разглядацца за межамі крымінальнага і іншых законаў Беларусі? Закон для ўсіх адзіны", — сказаў Лукашэнка.
Ён адзначыў, што да выбараў "ні амерыканцы, ні еўрапейцы, афіцыйныя і іншыя асобы" не прад`явілі прэтэнзій. "Ну вось вы першы чалавек, якога я сустракаю, амерыканку, якая гаворыць пра недэмакратычнасць выбараў. Ніхто пад сумненне выбары не паставіў. Таму што ўсе кандыдаты ў прэзідэнты мелі магчымасць выступаць у сродках масавай інфармацыі беларускіх. Пры гэтым улічыце, што яны поўнасцю запаланілі эфір праз расійскія СМІ, а расійскія сродкі масавай інфармацыі ў нас абсалютна ўсе распаўсюджваюцца — і электронныя, і папяровыя — у Беларусі. Так што ім хапала часу. Пытанне ў тым, з чым яны прыйшлі на выбары, што яны сказалі беларускаму народу", — заявіў беларускі кіраўнік.
"Што б зрабіў ваш прэзідэнт ці служба бяспекі, калі б незадаволеная меншасць, мізэрная меншасць — а іх было каля трох тысяч — падышла да Белага дома і пачала граміць Белы дом, спрабуючы яго захапіць?" — сказаў Лукашэнка.
47-хвілінная тэлеверсія трохгадзіннага інтэрв`ю, запісанага 28 лютага, была паказана вечарам 5 сакавіка па беларускіх каналах.
Дзмітрый Уласаў, БелаПАН
Мінск, 6 сакавіка 2011
"Мы таксама спадзяваліся на тое, што амерыканцы і Еўропа — гэта прыстойныя людзі, якія вельмі зацікаўлены ў тым, каб наша краіна была суверэннай і незалежнай, і што вы можаце выбудоўваць з намі прыстойныя адносіны. Але падзеі 19 снежня нас пераканалі ў тым, што вы гэтага не хацелі і да 19 снежня", — заявіў афіцыйны лідар.
На яго думку, у Беларусі "ні ў якой меры не менш дэмакратыі і свабоды, чым у Злучаных Штатах Амерыкі".
"Калі б любы грамадзянін ЗША ўчыніў злачынства, а побач з ім быў экс-кандыдат у прэзідэнты, яны б адказвалі на роўных. Чаму вы вылучаеце чатырох там ці сем, як вы сказалі, былых кандыдатаў, дзеянні якіх нібыта павінны разглядацца за межамі крымінальнага і іншых законаў Беларусі? Закон для ўсіх адзіны", — сказаў Лукашэнка.
Ён адзначыў, што да выбараў "ні амерыканцы, ні еўрапейцы, афіцыйныя і іншыя асобы" не прад`явілі прэтэнзій. "Ну вось вы першы чалавек, якога я сустракаю, амерыканку, якая гаворыць пра недэмакратычнасць выбараў. Ніхто пад сумненне выбары не паставіў. Таму што ўсе кандыдаты ў прэзідэнты мелі магчымасць выступаць у сродках масавай інфармацыі беларускіх. Пры гэтым улічыце, што яны поўнасцю запаланілі эфір праз расійскія СМІ, а расійскія сродкі масавай інфармацыі ў нас абсалютна ўсе распаўсюджваюцца — і электронныя, і папяровыя — у Беларусі. Так што ім хапала часу. Пытанне ў тым, з чым яны прыйшлі на выбары, што яны сказалі беларускаму народу", — заявіў беларускі кіраўнік.
"Што б зрабіў ваш прэзідэнт ці служба бяспекі, калі б незадаволеная меншасць, мізэрная меншасць — а іх было каля трох тысяч — падышла да Белага дома і пачала граміць Белы дом, спрабуючы яго захапіць?" — сказаў Лукашэнка.
47-хвілінная тэлеверсія трохгадзіннага інтэрв`ю, запісанага 28 лютага, была паказана вечарам 5 сакавіка па беларускіх каналах.
Дзмітрый Уласаў, БелаПАН
Мінск, 6 сакавіка 2011
Ссылка на текущий документ: http://belarus.kz/aktueller/2-1/253/4906
Текущая дата: 25.12.2024