Сойм Партыі БНФ лічыць "палітычна безадказным" рашэнне некаторых сваіх членаў аб выхадзе з партыі. Пра гэта гаворыцца ў спецыяльнай заяве, прынятай 12 лютага на пасяджэнні сойма.
На думку членаў сойма, гэтае рашэнне "аб`ектыўна садзейнічае аслабленню нацыянальна-дэмакратычных сіл Беларусі". Разам з тым падкрэсліваецца, што большая частка тых, хто падпісаў заяву аб выхадзе з партыі, у апошнія гады не бралі ўдзелу ў партыйным жыцці. "Яны свядома адмовіліся ад удзелу ва ўсіх партыйных кампаніях, што праводзіліся на працягу апошніх паўтара гадоў: кампаніі аўтарэферэндуму, выбарчай кампаніі 2010 года, кампаніі па зборы паручыцельстваў у падтрымку палітзняволеных", — гаворыцца ў дакуменце.
Сойм Партыі БНФ падкрэслівае, што пераважная большасць членаў арганізацыі актыўна працавалі на працягу апошніх гадоў. "Гэта азначае, што Партыя БНФ застаецца сілай, адзінства якой грунтуецца на агульных ідэйных перакананнях, а не на прыхільнасцях да канкрэтных асоб", — зазначаецца ў заяве.
Сойм Партыі БНФ таксама раіць падпісантам заявы аб выхадзе з партыі "вярнуцца ў яе шэрагі і зрабіць свой унёсак у пабудову свабоднай Беларусі".
Падчас пасяджэння сойма старшыня Партыі БНФ Аляксей Янукевіч адхіліў абвінавачанні ў тым, што партыя здрадзіла сваім каштоўнасцям. "Мне было дзіўна чуць пра каштоўнасці ад асоб, якія працавалі на кандыдата ў прэзідэнты, які падчас сваёй выбарчай кампаніі выказваў удзячнасць прэзідэнту Расіі Дзмітрыю Мядзведзеву за дапамогу дэмакратызацыі Беларусі", — сказаў ён.
Як раней паведамляў БелаПАН, 10 лютага была абнародавана заява, у якой 86 членаў Мінскай гарадской арганізацыі Партыі БНФ паведамілі аб сваім выхадзе з партыі.
"Вопыт партыйнага жыцця пасля з`езда 2009 года і асабліва вынікі апошняй прэзідэнцкай кампаніі канчаткова пераканалі нас, што палітыка цяперашняга кіраўніцтва Партыі БНФ не адпавядае выклікам сучаснасці, супярэчыць самому духу нацыянальнай дэмакратыі, свабоды, маральнасці і прынцыповасці, з якім атаясамліваецца Беларускі народны фронт з дня яго заснавання ў 1988 годзе", — гаворыцца ў заяве.
Сярод падпісантаў такія вядомыя палітыкі, як Лявон Баршчэўскі, Юрый Хадыка, Галіна Сямдзянава, Алесь Марачкін і іншыя.
Сяргей Каралевіч, БелаПАН
Мінск, 12 лютага 2011
Сойм Партыі БНФ падкрэслівае, што пераважная большасць членаў арганізацыі актыўна працавалі на працягу апошніх гадоў. "Гэта азначае, што Партыя БНФ застаецца сілай, адзінства якой грунтуецца на агульных ідэйных перакананнях, а не на прыхільнасцях да канкрэтных асоб", — зазначаецца ў заяве.
Сойм Партыі БНФ таксама раіць падпісантам заявы аб выхадзе з партыі "вярнуцца ў яе шэрагі і зрабіць свой унёсак у пабудову свабоднай Беларусі".
Падчас пасяджэння сойма старшыня Партыі БНФ Аляксей Янукевіч адхіліў абвінавачанні ў тым, што партыя здрадзіла сваім каштоўнасцям. "Мне было дзіўна чуць пра каштоўнасці ад асоб, якія працавалі на кандыдата ў прэзідэнты, які падчас сваёй выбарчай кампаніі выказваў удзячнасць прэзідэнту Расіі Дзмітрыю Мядзведзеву за дапамогу дэмакратызацыі Беларусі", — сказаў ён.
Як раней паведамляў БелаПАН, 10 лютага была абнародавана заява, у якой 86 членаў Мінскай гарадской арганізацыі Партыі БНФ паведамілі аб сваім выхадзе з партыі.
"Вопыт партыйнага жыцця пасля з`езда 2009 года і асабліва вынікі апошняй прэзідэнцкай кампаніі канчаткова пераканалі нас, што палітыка цяперашняга кіраўніцтва Партыі БНФ не адпавядае выклікам сучаснасці, супярэчыць самому духу нацыянальнай дэмакратыі, свабоды, маральнасці і прынцыповасці, з якім атаясамліваецца Беларускі народны фронт з дня яго заснавання ў 1988 годзе", — гаворыцца ў заяве.
Сярод падпісантаў такія вядомыя палітыкі, як Лявон Баршчэўскі, Юрый Хадыка, Галіна Сямдзянава, Алесь Марачкін і іншыя.
Сяргей Каралевіч, БелаПАН
Мінск, 12 лютага 2011
Ссылка на текущий документ: http://belarus.kz/aktueller/2-1/255/4431
Текущая дата: 25.12.2024