У МУС з нагоды 20 гадоў з дня ўтварэння падраздзяленняў па барацьбе з кіберзлачыннасцю прайшлі ўрачыстыя мерапрыемствы. З прафесійным святам супрацоўнікаў і ветэранаў службы павіншаваў Генадзь Казакевіч.

«Сёння юбілей у калектыву аднадумцаў, прафесіяналаў з вялікай літары. Яны не проста выконваюць бягучыя задачы па выяўленні і раскрыцці супрацьпраўных дзеянняў, а сістэмна ўплываюць на аператыўную абстаноўку ў краіне, — сказаў Генадзь Казакевіч. — Аўтарытэт службы прызнаецца на міжнароднай арэне: пра гэта кажа высокая ацэнка беларускіх праваахоўнікаў у супрацьдзеянні кіберзлачыннасці, якую даюць калегі з дзяржаў-удзельніц АДКБ. У нас просяць методыкі, пераймаюць аператыўны досвед, па ўзоры Рэспублікі выбудоўваюць такія ж падраздзяленні».

Намеснік міністра ўнутраных спраў ад душы падзякаваў прысутным. Генадзь Казакевіч асабліва адзначыў ветэранаў, якія заклалі трывалы падмурак службы. Пасля цёплых слоў уручылі ўзнагароды, а вызначыліся супрацоўнікам у якасці заахвочвання прысвоены спецыяльныя званні датэрмінова.

Звязда, 28 лістапада 2022