Генеральная пракуратура накіравала ў Вярхоўны Суд крымінальную справу па абвінавачанні 38-гадовай жыхаркі Мінска ў змове з мэтай захопу дзяржаўнай улады неканстытуцыйным шляхам.

"Папярэдняе расследаванне па ім праведзена ўсебакова, поўна і аб`ектыўна. Дзеянні абвінавачанай Следчым камітэтам дакладна кваліфікаваны па ч. 1 арт. 357 Крымінальнага кодэкса Рэспублікі Беларусь, што пацверджана сукупнасцю сабраных доказаў", - паведамілі у Генпракуратуры.

Там паведамілі, што пракуратура пакінула абвінавачанай раней абраную меру стрымання ў выглядзе ўзяцця пад варту.

Як паведамілі у Следчым камітэце, абвінавачаная, 38-гадовая мінчанка пасля звальнення з Белтэлерадыёкампаніі ўступіла ў змову з прадстаўнікамі экстрэмісцкіх супольнасцяў, якія называюць сябе апазіцыяй, з мэтай захопу ўлады.

"Экс-журналістка была адным з лідараў так званай журналісцкай забастоўкі на Белтэлерадыёкампаніі, падчас якой яе ўдзельнікі ставілі патрабаванні палітычнага характару", – адзначылі ў Следчым камітэце.

Як вынікае з матэрыялаў крымінальнай справы, 17 жніўня 2020 года абвінавачаная ўступіла ў склад каардынацыйнай рады, дзе стала кіраўніком групы інфармацыйнага забеспячэння і супрацьдзеяння дзяржаўным СМІ.

"На працягу пяці месяцаў абвінавачаная займалася стварэннем "канала" для распаўсюджвання ілжывай інфармацыі ў інтарэсах удзельнікаў змовы і дасягнення іх асноўнай мэты – прымусовай змены палітычнага кіраўніцтва краіны", – падкрэслілі ў Следчым камітэце.

Акрамя гэтага, яна рыхтавала, рэдагавала і публікавала інфармацыйныя матэрыялы самаабвешчанай рады. "Кожны падрыхтаваны матэрыял аказваў дэструктыўнае ўздзеянне на грамадскую свядомасць і заклікаў да дэстабілізацыі абстаноўкі ў краіне", – падкрэслілі ў СК.

На стадыі папярэдняга следства абвінавачаная прызнала сваю віну, раскаялася і актыўна супрацоўнічала са следствам, на допытах расказала, што прасякла злачыннымі ідэямі дэструктыўна настроеных грамадзян і вырашыла ўступіць у шэрагі экстрэмістаў, якія называюць сябе апазіцыяй, сказалі ў СК.

Санкцыя ч. 1 арт. 357 (змова з мэтай захопу дзяржаўнай улады неканстытуцыйным шляхам) Крымінальнага кодэкса прадугледжвае максімальнае пакаранне ў выглядзе пазбаўлення волі тэрмінам да 12 гадоў, паведамілі ў СК.

МІНСК, 7 ліпеня 2022
Sputnik