«У Следчы камітэт з Камітэта дзяржаўнай бяспекі паступілі матэрыялы па факце ўчынення групай асоб экстрэмісцкіх дзеянняў, якія выказаліся ў спробе аказаць незаконнае ўздзеянне на членаў выбарчых камісій», — расказаў Сяргей Кабаковіч.

Паводле яго слоў, матэрыялам дадзена прававая ацэнка. «Узбуджана крымінальная справа. Цяпер затрыманы каля 10 каардынатараў і выканаўцаў з розных рэгіёнаў краіны. Расследаванне крымінальнай справы прадаўжаецца», — адзначыў начальнік аддзела.

Як паведамлялася, Камітэт дзяржаўнай бяспекі Беларусі раскрыў групы, якія пад кіраўніцтвам замежных куратараў планавалі зрыў канстытуцыйнага рэферэндуму. Людзі, якія атрымлівалі ўказанні з-за мяжы, заклікалі псаваць бюлетэні, запалохваць сяброў выбарчых камісій і пагражаць ім. У лістах, якія яны адпраўлялі ад імя міліцыянераў і суддзяў, — прамыя пагрозы і ўказанне на тое, што вядомы іх адрасы. Куратары з-за мяжы ўстаноўлены, каардынатары і радавыя выканаўцы ў Беларусі затрыманы.

Звязда, 21 лютага 2022