Пасажырскі аўтатранспарт пасля разгулу стыхіі ўвайшоў у графік на працягу панядзелка, паведаміў журналістам віцэ-прэм’ер Беларусі Анатоль Сівак.

"У нас тысячы дрэў падалі на аўтамабільныя дарогі і чыгункі", - растлумачыў Сівак.

Ён дадаў, што пасажырскія чыгуначныя зносіны таксама вярнуліся ў рытм работы.

"Больш за 500 ферм былі абясточаны, і забяспечыць функцыянаванне ферм, асаблівасці малочнатаварных... Гэта трэба было рабіць з дызельнымі генератарамі, забяспечваць электраэнергію. У мінулыя суткі ўся гэта работа была выканана", - запэўніў намеснік прэм’ер-міністра.

Былі абясточаны і прадпрыемствы па перапрацоўцы малака. Прыходзілася задзейнічаць іншыя магутнасці.

"Хоць там таксама былі адпаведныя праблемы", - адзначыў віцэ-прэм’ер.

У тым ліку выходзілі са строю высакавольтныя лініі.

Урон быў нанесены стыхіяй і лясгасам. Пацярпела 16 тысяч гектараў лесу.

"Па ацэнках – гэта паўтара мільёна метраў кубічных... Суцэльны лесапавал – 5,5 тысячы гектар. Гэта работа, якая будзе ў далейшым выконвацца", - растлумачыў Сівак.

Зараз усе сілы леснікоў кінуты на расчыстку месцаў, дзе з-за дрэў пацярпела энергасістэма.

Шмат зроблена і для таго, каб аднавіць працу каналізацыі і сістэмы водазабеспячэння, асабліва ў Мазыры. З іншых рэгіёнаў туды прывозілі магутныя дызель-генератары, падавалі ваду ў сетку і паднімалі ціск.

"Гэта працэс таксама не імгненны... каб вада з’явілася ў сетцы", - адзначыў Сівак.

Па словах віцэ-прэм’ера, галоўнае даручэнне прэзідэнта – цвёрда скарачаць тэрміны ліквідацыі наступстваў.

Намеснік кіраўніка ўрада асобна падкрэсліў, што стыхія закранула ўсе сферы.

Паводле звестак МНС на раніцу аўторка, з-за навальнічнага фронту і моцнага ветру ў краіне пацярпелі 594 населеныя пункты ў 33 раёнах. Самае складанае становішча – у Гомельскай вобласці. Там вецер паваліў больш за 800 дрэў. Ратавальнікі дастаўляюць ваду насельніцтву: як пітную, так і тэхнічную. Задзейнічаны генератары МНС для забеспячэння электраэнергіяй крытычна важных аб’ектаў.

Мінск, 16 ліпеня 2024
Sputnik