"Работнікі электрасеткавых філіялаў энергазабеспячальных арганізацый ДВА "Белэнерга" пераведзены ў рэжым павышанай гатоўнасці ў сувязі з неспрыяльнымі ўмовамі надвор`я. У выпадку з`яўлення адключэнняў, выкліканых наступствамі непагоды, энергетыкі адразу ж пачынаюць устараненне тэхналагічных парушэнняў у найкарацейшыя тэрміны. Цяпер адзначаецца павелічэнне колькасці адключэнняў у размеркавальных сетках некаторых раёнаў Мінскай, Віцебскай і Гродзенскай абласцей. Аператыўныя службы працуюць над устараненнем пашкоджанняў і аднаўленнем электразабеспячэння", - расказалі ў "Белэнерга".

У аб`яднанні падкрэслілі, што ўвесь аператыўна-рамонтны персанал беларускай энергасістэмы мабілізаваны, брыгады ўкамплектаваны неабходным інструментам, прыстасаваннямі, спецадзеннем, аснашчаны высокапраходнай спецтэхнікай, падрыхтаваны да кругласутачнай работы ў любых умовах.

Паводле інфармацыі сіноптыкаў, днём 14 студзеня на тэрыторыі Беларусі назіраецца ўзмацненне ветру парывамі да 25-27 м/с, што можа выклікаць падзенне дрэў на паветраныя лініі электраперадачы і прывесці да абрыву або спляцення правадоў.

14 студзеня 2022, Мінск
БЕЛТА