У нядзелю 19 снежня 11-гадовы хлопчык атрымаў ад старэйшага 17-гадовага брата падарунак: раней судзімы за крадзеж і юнак, які знаходзіцца на ўліку, падарыў школьніку ўпакоўку петард. Той паклікаў дваіх сяброў, каб пацешыцца.

Хлопцы пайшлі ў лес. Там іх убачыў яшчэ адзін хлопчык, і ўжо ўчатырох яны сталі ўзрываць піратэхніку. Перад тым як пайсці дадому, новы прыяцель запаліў петарду і кінуў яе ў бок уладальніка небяспечных цацак. Петарда трапіла за каўнер курткі і ўзарвалася.

«Хлопец патэлефанаваў бацькам і расказаў пра здарэнне. Яны даставілі сына ў абласную дзіцячую клінічную бальніцу. Урачы паставілі дыягназ: тэрмічны апёк правай бакавой паверхні шыі. Хлопчыку аказалі меддапамогу і адпусцілі дадому», — расказалі ва УУС.

Па факце прычынення цялесных пашкоджанняў праводзіцца праверка, назначана экспертыза.

Звязда, 20 снежня 2021