Для многіх бежанцаў з беларуска-польскай граніцы гэта ноч стала першай праведзенай пад дахам за многія дні, расказалі яны. 

Бежанцам прапанавалі замест палявых умоў прыгранічнага лагера, які яны арганізавалі побач з лініяй польскай граніцы, перайсці пад дах. Рашэнне было абумоўлена перш за ўсё клопатам пра бяспеку людзей: начоўкі ў халоднае надвор`е, асабліва пасля ледзянога душа з вадамётаў ад польскіх сілавікоў, маглі негатыўна паўплываць на здароўе.

Перайсці ў ТЛЦ згадзіліся каля 1 тыс. бежанцаў. Многія з іх - сем`і з дзецьмі. Бежанцам выдалі матрацы, сухое і цёплае адзенне, забяспечылі гарачае харчаванне. Сёння для іх першая раніца ў цяпле. Настрой у многіх прыўзняты. "Дзякуй, Беларусь! Выдатная ноч. Цёпла, суха, паелі. Вельмі рады. Упершыню ўдалося паспаць", - гаворыць адзін з бежанцаў.

Адна з маці падзялілася, што рада ў першую чаргу за дзяцей. "Нарэшце яны знаходзяцца ў нармальных умовах. Першая ноч у цяпле і пад дахам за многія дні", - расказвае яна. У камфортных умовах бежанцы маюць намер чакаць вырашэння сітуацыі.

"У Ірак мы не вернемся. Там вельмі дрэнна. Дзеля будучыні нашых дзяцей хочам трапіць у Германію", - гавораць яны і дзякуюць беларусам за клопат.

У палатцы-сталовай бежанцаў будуць забяспечваць гарачым харчаваннем: зусім хутка снеданне. Забяспечаны таксама падвоз пітной вады, няхватцы ў ёй ніхто не мае. Устаноўлены і біяпрыбіральні. Бежанцы абяцаюць падтрымліваць парадак, адносяць смецце ў спецыяльныя кантэйнеры.

Побач з ТЛЦ кругласутачна дзяжураць медыкі. Ноччу было нямала зваротаў. Асноўныя з іх звязаны з пераахаладжэннем - насмарк, баліць горла, кашаль, боль у нырках. Людзі таксама скардзіліся на праблемы са здароўем ад газу і хімікатаў, якія выкарыстоўвалі польскія сілавікі.

17 лістапада 2021, Гродна
БЕЛТА