У аператыўна-дзяжурную службу Гарадоцкага РАУС 5 ліпеня каля гадзіны ночы паступіла паведамленне ад 31-гадовай мясцовай жыхаркі. Жанчына паведаміла, што яе збівае п’яны сужыцель. На месца здарэння неадкладна выбылі супрацоўнікі раённага аддзела ўнутраных спраў, аднак па прыбыцці не знайшлі дэбашыра.

Праваахоўнікі прынялі меры да ўстанаўлення яго месцазнаходжання.

Праз некаторы час яны пачулі ўдар па аўтамабілі. Прыадчыніўшы дзверы, кіроўца транспартнага сродку атрымаў удар нажом у вобласць скроні. Нягледзячы на раненне, міліцыянту сумесна з напарнікамі атрымалася скруціць нападніка. Ім аказаўся 42-гадовы завадатай скандалу. У дачыненні да зламысніка ўзбуджаная крымінальная справа. Следчыя дадуць прававую ацэнку яго дзеянням.

Звязда, 6 ліпеня 2021