"Расходы на ахову здароўя будуць амаль 4,6 працэнта ВУП. Гадоў 5-6 таму мы думалі аб тым, каб вытрымаць 4 працэнты ВУП расходаў кансалідаванага бюджэту на медыцыну. Відаць, гэтыя выдаткі будуць яшчэ і далей планамерна павялічвацца", - сказаў Юрый Селіверстаў.

Паводле ацэнкі міністра, будуць расці таксама выдаткі і на сферу адукацыі. Гэта звязана ў тым ліку з тым, што трэба і далей павышаць заработную плату ў гэтых дзвюх бюджэтаёмістых галінах.

Юрый Селіверстаў нагадаў, што зарплаты бюджэтнікаў вырастуць ужо з 1 студзеня 2021 года, рашэнне аб павышэнні базавай стаўкі прынята ўжо. Акрамя таго, галіновыя міністэрствы прынялі меры для павышэння зарплат нізкааплатных катэгорый работнікаў.

"Па наступным годзе дадатковы рост расходаў бюджэту па зарплаце і выплатах (гэта стыпендыі, дапамогі, пенсіі) складзе каля Br1,5 млрд", - дадаў Юрый Селіверстаў.

Ён падкрэсліў, што бюджэт на 2021 год застанецца сацыяльна арыентаваным, нягледзячы на тое, што прыбыткі рэспубліканскага бюджэту знізяцца з-за ўплыву пандэміі і зніжэння экспарту.

Дэфіцыт бюджэту ацэньваецца прыкладна ў памеры Br4 млрд, паводле слоў Юрыя Селіверстава, яго кампенсуюць за кошт існуючых унутраных рэзерваў. "Таму нейкіх асаблівых мерапрыемстваў, каб усё кардынальна ўрэзаць, "усушыць" у бюджэце не запланавана", - рэзюмаваў ён.

28 снежня 2020, Мінск
БЕЛТА