У Бабруйску жанчына з нованароджаным дзіцем выпалі з вакна шматпавярховіка, паведаміла афіцыйная прадстаўніца УСК па Магілёўскай вобласці Анастасія Лаўрыновіч.
«Інцыдэнт адбыўся каля 23.00 24 снежня. Жанчына 1989 года нараджэння разам з нованароджаным дзіцем, якому было 8 дзён, выпалі з вакна на 7 паверсе», — адзначыла Анастасія Лаўрыновіч.
Маці ад атрыманых траўмаў памерла на месцы. Дзіця з цялеснымі пашкоджаннямі рознай ступені цяжкасці шпіталізавалі.
«Устаноўлена, што жанчына стаяла на ўліку ў псіханеўралагічным дыспансеры. У апошні час у яе назіраўся дэпрэсіўны стан», — падкрэсліла Анастасія Лаўрыновіч.
Заведзена крымінальная справа па артыкуле «Замах на забойства заведама малалетняга, які знаходзіцца ў бездапаможным стане».
Звязда, 28 снежня 2020
Ссылка на текущий документ: http://belarus.kz/aktueller/2-1/83/57840
Текущая дата: 06.10.2024