«Так, яны не могуць ведаць усіх нягод ліхіх 90-х. Хоць пра гэта маглі б ім расказаць бацькі, ды і мы таксама. Сумна, што нашых дзяцей цягнуць на вуліцы. Яны наіўна вераць, што дзеля светлай будучыні дапушчальна і нават неабходна разбурыць сучаснасць. Што можна падзяліць людзей на правільных і няправільных, загубіць эканоміку, ва ўгоду чужым інтарэсам адрачыся ад усяго добрага, што было зроблена за гады незалежнасці», - сказаў Прэзідэнт.

«Але ж вы разумееце, што жыццё не ролік з інтэрнэту. Назад не адкруціць», — падкрэсліў кіраўнік дзяржавы.

Ён адзначыў, што дастаткова паглядзець на краіны, якія прайшлі праз горан каляровых рэвалюцый і засталіся ў стане тлеючых канфліктаў ці, што яшчэ страшней, грамадзянскай вайны.

«Працверажэнне надыходзіць заўсёды. Галоўнае, каб не было позна», — заўважыў Аляксандр Лукашэнка.

Звязда, 11 верасня 2020