Белорусский портал в Казахстане

Анатоль Ярмоленка: не люблю адзначаць юбілеі, хочацца працаваць



Народны артыст Беларусі, нязменны мастацкі кіраўнік ансамбля "Сябры" Анатоль Ярмоленка прыняў віншаванні з 70-гадовым юбілеем, які адзначае 15 лістапада.

Вядучы радыё Sputnik Беларусь Вячаслаў Шарапаў павіншаваў народнага артыста з круглай датай і пацікавіўся, з якімі думкамі і пачуццямі Анатоль Іванавіч сустракае святочны дзень.

"З тымі ж думкамі, што і звычайны працоўны дзень. Галоўнае — не акцэнтаваць увагу на юбілеях, я так не люблю іх адзначаць. Я з`ехаў адразу на здымку праграмы "Залатая калекцыя", вось так у працы і пройдзе час", — распавёў Ярмоленка.

Па словах юбіляра, зараз для яго галоўнае ў тым, што хочацца быць карысным. Акрамя таго, ёсць яшчэ шмат планаў, якія народны артыст спадзяецца ўвасобіць у жыццё.

"Я хачу выступіць з прэзідэнцкім аркестрам, зрабіць сольную праграму. Зараз мы пракатваем юбілейную праграму "Сяброў". Карацей, працы шмат, будзем працаваць. Галоўнае, што працаваць хочацца", — сказаў Ярмоленка.

Sputnik Беларусь, 15 лістапада 2017

Ссылка на текущий документ: http://belarus.kz/aktueller/2-3/1/41110
Текущая дата: 29.03.2024