Гэты дзень з`яўляецца семдзесят дзевятым па грыгарыянскім календары, да канца года засталося 286 дзён.
Сёння адзначаецца Міжнародны дзень астралогіі. Якія яшчэ падзеі адбыліся 20 сакавіка і чым адзначаны гэты дзень у народным календары, чытайце далей:
Гістарычныя падзеі 20 сакавіка
У 1690 годзе Людвіка Караліна Радзівіл выдала прывілей, у якім абвяшчала ў сваіх гарадах і маёнтках свабоду веравызнання пратэстантам і праваслаўным і гарантавала, што царкоўная унія ў яе ўладаннях не будзе ўведзена.
Хто нарадзіўся 20 сакавіка
1862 год: Адам Багдановіч, беларускі фалькларыст, этнограф і мовазнаўца, бацька беларускага паэта Максима Багдановіча.
Таксама сёння нарадзіліся савецкі палітычны і вайсковы дзеяч Мікалай Гікала і нарвежскі драматург Генрых Ібсен.
20 сакавіка ў народным календары
Сёння праваслаўныя вернікі шануюць памяць святапакутнікаў Васіля, Яфрэма, Капітона і іншых.
У народзе святога Васіля называлі Васіль-капельнік. Надвор`е ў гэты час пераменлівае: то адліга, то падмарозіць. У вёсках кажуць, што калі на Капельніка са страхі падае ком снегу, гэта грахі на зямлю падаюць.
Калі далягляд 20 сакавіка сіні, хутка пацяплее. Халоднае і пахмурнае надвор`е прадвяшчае замаразкі.
Sputnik, 20 сакавіка 2023
Ссылка на текущий документ: http://belarus.kz/aktueller/2-3/1/68698
Текущая дата: 05.05.2024