Якія падзеі адбыліся 20 верасня і чым адзначаны гэты дзень у народным календары, чытайце далей:

У 1620 годзе войска Рэчы Паспалітай на чале з гетманам Жалкеўскім пацярпела паражэнне ў бітве пры Цацоры на рацэ Прут ад асманскага войска Іскандэр-пашы.

У 1944 годзе ў складзе БССР былі ўтвораны Гродзенская, Бабруйская і Маладзечанская вобласці, апошнія дзве былі скасаваны ў 1954 і 1960 гг. адпаведна.

У 1945 годзе быў адкрыты для наведвальнікаў Дзяржаўны літаратурны музей Янкі Купалы.

1810 год: Плацыд Янкоўскі, беларускі пісьменнік і перакладчык, уніяцкі і праваслаўны святар.

1943 год: Ніна Мацяш, беларуская паэтэса і перакладчыца.

1959 год: Яўген Паплаўскі, беларускі кампазітар.

Таксама сёння нарадзіліся італьянская актрыса Сафі Ларэн і амерыканскі пісьменнік-фантаст Джордж Марцін.

Сёння праваслаўныя вернікі шануюць памяць пакутніка Сазонта і вялебнага Лукі.

20 верасня на агародзе збіралі ўраджай цыбулі. Лічылася, што калі цыбулю з новага ўраджаю прыгатуюць да гэтага дня, ураджай цалкам загіне, таму гаспадыні нават вартавалі свае грады, каб ніякі зламыснік не ўчыніў такой шкоды.

У народзе верылі, што цыбуля можа адпудзіць нячысцікаў, таму яе звязкі развешвалі ў хаце – асабліва калі там хтосьці хварэў. Таксама лічылася, што трэба ў гэты дзень з`есці цыбуліну – тады ўвесь год ніякая хвароба не прычэпіцца.

У гэты дзень назіралі за пералётнымі птушкамі: калі яны ляцелі нізка, хутка будзе дождж.

Sputnik, 20 верасня 2024