Сёння адзначаецца Сусветны дзень рыбалоўства. Якія яшчэ падзеі адбыліся 27 чэрвеня і чым азнаменаваны гэты дзень у народным календары, чытайце далей:

У 1697 годзе абранне Аўгуста II Моцнага вялікім князем літоўскім, рускім і жамойцкім.

У 1707 годзе расійскае войска ўзяло Быхаў у час Паўночнай вайны.

У 1989 годзе ўстаноўчы з’езд Таварыства беларускай мовы прыняў зварот да ўсіх прыхільнікаў беларускага слова.

У 2007 годзе рада горада Гайнаўка (Польшча) прыняла закон аб выкарыстанні беларускай мовы як дапаможнай у мясцовай адміністрацыі

У 2014 годзе ў Віцебску адбылося ўрачыстае адкрыццё помніка Альгерду.

1909 год: Сяргей Знаёмы, беларускі пісьменнік.

1925 год: Лідзія Арабей, беларуская пісьменніца, крытык, літаратуразнаўца.

Таксама сёння нарадзіліся нямецкі канструктар зброі Пауль Маўзер і расійская эстрадная спявачка Алсу.

Сёння праваслаўныя вернікі шануюць памяць прарока Елісея і святога Елісея Сумскага.

У гэты час дасявалі познюю грэчку, калі надвор`е было добрым і сухім. Калі ж дзень быў джджысты, такое надвор`е магло захоўвацца яшчэ тыдзень.

Дождж і непагадзь прыносіў паўночна-заходні вецер. Пра тое, што набліжаецца дождж, можна было казаць і заўважыўшы жаб далёка ад вады.

Sputnik, 27 чэрвеня 2022