Якія падзеі адбыліся 25 чэрвеня і чым азнаменаваны гэты дзень у народным календары, чытайце далей:

У 1925 годзе ў Сейме Польшчы пасля расколу Беларускага пасольскага клуба заснаваны пасольскі клуб пад назвай Беларуская сялянска-работніцкая грамада.

У 1992 годзе Беларусь устанавіла дыпламатычныя адносіны з Расіяй.

1905 год: Пятрусь Броўка, беларускі паэт.

1911 год: Феафіл Анісовіч, беларускі мастак дэкаратыўна-прыкладнога мастацтва.

Таксама сёння нарадзіліся іспанскі архітэктар Антоніа Гаўдзі і англійскі пісьменнік Джордж Оруэл.

Сёння праваслаўныя вернікі шануюць памяць святога Пятра Афонскага.

Па народным календары, з гэтага дня сонца паварочвае на зіму і наступаюць самыя гарачыя дні лета. Раніцай гаспадыні стараліся прапалоць грады і ўзыходы на полі. Пустазелле часам касілі, але калі града была невялікая – выдзіралі з коранем. Важна было глядзець, каб частка расліны не засталася ў зямлі – тады яна можа даць некалькі шкодных парасткаў.

Калі на Пятра сонечна, то і ў пору касьбы будзе добрае надвор`е, а калі ідзе дождж, трава будзе мокрая.

Sputnik, 25 чэрвеня 2022