Сёння адзначаецца Дзень сям`і. Якія яшчэ падзеі адбыліся 15 траўня і чым азнаменаваны гэты дзень у народным календары, чытайце далей:

У 1905 годзе ў газеце "Северо-Западный край" упершыню надрукаваны верш Я. Купалы "Мужык".

У 1971 годзе ў Лондане адкрыліся Беларуская бібліятэка і музей імя Францыска Скарыны.

1912 год: Анатоль Іверс, беларускі паэт.

1916 год: Ніна Тарас, беларуская пісьменніца.

1936 год: Барыс Сачанка, беларускі пісьменнік, перакладчык і выдавец.

1941 год: Мікалай Абабурка, беларускі мовазнавец.

1954 год: Наталля Чорнагалова, беларуская мастачка-неаэкспрэсіяністка.

Таксама сёння нарадзіліся французскі навуковец-фізік П’ер Кюры і пісьменнік Міхаіл Булгакаў.

Сёння праваслаўныя вернікі шануюць памяць нявінна забітых князёў Барыса і Глеба – малодшых сыноў князя Уладзіміра – хрысціцеля Русі.

Гэты дзень ў народзе празвалі салаўіным – менавіта ў сярэдзіне мая пачынаюць пець першыя салаўі. Калі 15 траўня чулі салаўя, гэта было добрай прыкметай – ураджай хлеба будзе багаты.

Па салаўіных спевах таксама можна прадказаць надвор`е. Салаўі заўсёды маўчаць перад дажджом і навальніцай, а калі чакаецца добрае надвор`е, птушка можа спяваць усю ноч.

Sputnik, 15 траўня 2022