А вы ведалі, што ў 1995 годзе ў амерыканскім Кліўлендзе адкрылася зала славы зорак рок-н-ролу? Якія яшчэ падзеі адбыліся 2 верасня і чым азнаменаваны гэты дзень у народным календары, чытайце далей:.

Гістарычныя падзеі 2 верасня

У 1621 годзе пачалася бітва пад Хоцінам у час вайны Рэчы Паспалітай і Турцыі.
У 1945 годзе адбылася капітуляцыя Японіі ў Другой сусветнай вайне.

Хто нарадзіўся 2 верасня

1930 год: Анатоль Шаўня, беларускі паэт, крытык.
1955 год: Яўген Мірановіч, беларускі і польскі гісторык, грамадска-культурны дзеяч.
1983 год: Кірыл Дубоўскі, сучасны беларускі пісьменнік.

Таксама ў гэты дзень нарадзіліся савецкі акцёр Яўген Лявонаў, амерыканскі акцёр Кіану Рыўз і мексіканская актрыса Сальма Хаек.

2 верасня ў народным календары

Сёння вернікі ўзгадваюць прарока Самуіла і адзначаюць Самойлін дзень.

На Русі прарока лічылі заступнікам мужчын, таму да іх у гэты дзень была асобая павага. Жанчыны гатавалі смачныя стравы і частавалі сваіх бацькоў, мужоў і сынавей. Асаблівай папулярнасцю карысталіся стравы з грыбамі, бо ў гэты час іх у лесе звычайна многа.

Назіралі за прыродай: калі да Самойліна дня паспявала рабіна, восень будзе дажджыстая, але авёс нарадзіцца добра. Мышы павылазілі з нор – чакай халоднай зімы.

Sputnik, 2 верасня 2021

Ссылка на текущий документ: http://belarus.kz/aktueller/2-3/143/60360

Текущая дата: 18.11.2024