Сёння ў Беларусі адзначаецца Дзень незалежнасці Рэспублікі Беларусь (Дзень Рэспублікі). Якія яшчэ падзеі адбыліся 3 ліпеня і чым азнаменаваны гэты дзень у народным календары, чытайце далей:

У 1410 годзе злучаныя польска-літоўскія войскі пад кіраўніцтвам Уладзіслава II Ягайлы рушылі да мяжы Тэўтонскага ордэна.

У 1941 годзе ўпершыню пасля пачатку вайны Іосіф Сталін выступіў з радыёзваротам да савецкага народа.

У 1944 годзе адбылося вызваленне Мінска ад нацысцкіх захопнікаў.

1876 год: Алаіза Пашкевіч, беларуская паэтэса, грамадскі дзеяч.

1918 год: Рыгор Бярозкін, беларускі літаратуразнавец

1958 год: Генадзь Лаўрэцкі, беларускі архітэктар і гісторык архітэктуры.

Таксама сёння нарадзіліся нямецкі пісьменнік Франц Кафка і амерыканскі акцёр Том Круз.

Сёння праваслаўныя вернікі шануюць памяць святапакутніка Мефодзія, епіскапа Патарскага.

У гэты час пачыналася паляванне на перапёлак, якія зляталіся на поле, дзе амаль ужо паспела жыта.

Па народных прыкметах, калі дождж пачнецца на Мефодзія, ён будзе ісці яшчэ 40 дзён. Калі ж заўважалі павуков, якія плятуць павуцінне, гэта значыла, што надвор`е палепшыцца. Пра тое ж самае сведчылі спевы птушак і аблокі, якія плывуць высока над зямлёй.  

Sputnik, 3 ліпеня 2021