Сёння святкуецца Сусветны дзень донара крыві. Якія яшчэ падзеі адбыліся 14 чэрвеня і чым азнаменаваны гэты дзень у народным календары, чытайце далей:

У 1634 годзе быў заключаны мірны дагавор паміж Расіяй і Рэччу Паспалітаю; канец Смаленскай вайны.

У 1792 годзе Барысаву надалі герб.

У 1938 годзе быў заснаваны Беларускі дзяржаўны тэатр лялек.

1867 год: Мітрафан Доўнар-Запольскі, беларускі гісторык, этнограф, эканаміст.

1900 год: Міхаіл Забэйда-Суміцкі, беларускі спявак, педагог.

1931 год: Ігар Сарокін, беларускі оперны спявак.

Таксама сёння нарадзіліся аўстрыйскі мастак Густаў Клімт і лацінаамерыканскі рэвалюцыянер Чэ Гевара.

Сёння праваслаўныя вернікі шануюць памяць святога Іусціна, якога ў народзе называлі проста Усцін.

У гэты дзень хадзілі ў лес збіраць лекавыя зёлкі. Потым іх звязвалі і сушылі пад столлю хаты або рабілі настойкі.

Калі ў першай палове дня заўважалі ў небе вясёлку – не адыходзілі далёка ад хаты, таму што гэта значыла – хутка пойдзе дождж. Але калі нават неба пахмурнае, а казялцы не раскрыліся – дажджу не будзе.

Sputnik, 14 чэрвеня 2021