Якія падзеі адбыліся 15 студзеня і чым азнаменаваны гэты дзень у народным календары, чытайце далей:

У 1919 годзе Марк Шагал заснаваў Віцебскае народнае мастацкае вучылішча.

У 1926 годзе ў Вільні выйшаў першы нумар беларускага ілюстраванага сатырычнага часопіса "Маланка".

У 1926 годзе польскімі ўладамі была забаронена Беларуская сялянска-работніцкая грамада.

У 1976 годзе была ўведзена ў эксплуатацыю Вілейска-Мінская водная сістэма.

У 1991 годзе ў Мінску быў заснаваны Нацыянальны дзяржаўны гуманітарны ліцэй.

У 1994 годзе Біл Клінтан наведаў Беларусь з афіцыйным візітам.

У 2001 годзе Джымі Вэйлз і Лары Сэнгер стварылі Вікіпедыю.

1742 год: Францішак Нарвайш, прафесар вышэйшай матэматыкі ў Віленскім універсітэце.

1908 год: Заір Азгур, беларускі скульптар.

1936 год: Янка Сіпакоў, беларускі пісьменнік, перакладчык.

Таксама сёння нарадзіліся першая ў свеце жанчына-прафесар Соф`я Кавалеўская і лідар барацьбы за грамадзянскія правы чарнаскурых амерыканцаў Марцін Лютэр Кінг.

Сёння праваслаўная царква шануе памяць свяціцеля Сільвестра, які, па паданні, змог звярнуць ў хрысціянства імператара Канстанціна.

На Сільвестра вяскоўцы асабліва даглядалі куратнікі. Каб куры добра несліся, у куратніке вешалі каменьчык з дзюркай пасярэдзіне.

Па дамашняй птушке таксама вызначалі надвор`е. Калі пеўні рана запелі – будзе адліга. Куры рана заснулі – наадварот, будзе мароз.

Жанчыны ў гэты дзень варажылі на цыбулях. 12 цыбулін пасыпалі соллю і пакідалі на ноч на стале. Колькі намокла да раніцы, столькі будзе і дажджыстых месяцаў.

Sputnik, 15 студзеня 2020