У праграме IV Фестывалю дакументальнага кіно краін СНД "Еўразія. DOC", які адкрываецца 1 кастрычніка ў Мінску, будзе прадстаўлена 28 фільмаў, паведаміў дырэктар фестывалю Валерый Шахаўцоў.
У бягучым годзе на форум было пададзена больш за 150 заявак.
"Усе яны былі разгледжаны, і аргкамітэт адабраў 28 лепшых работ з 12 краін, якія ўвайшлі ў кароткую фінальную праграму. Гэта Азербайджан, Арменія, Беларусь, Расія, Кыргызстан, ЗША, Таджыкістан, Эстонія, Літва, Казахстан, Грузія, Украіна. На наш погляд, мы кожны год робім крок наперад, ёсць разуменне, што фестываль развіваецца", - расказаў Валерый Шахаўцоў.
Паводле яго слоў, тэматыка работ пастаянна пашыраецца. "Пачыналі мы з дакументальна-палітычнага кіно, але з`яўляліся новыя блокі, фільмы, тэмы. Пры гэтым мы захоўваем свой галоўны крытэрый адбору: фільмы павінны непасрэдна і ўскосна закранаць актуальныя праблемы або пытанні грамадска-палітычнага жыцця краін СНД. У нас сфармаваліся блокі. У мінулым годзе гэта былі "Грамадства", "Палітыка", "Гісторыя", "Культура", "Чалавек".
У гэтым годзе палітыка нейкім чынам размяшалася ва ўсіх іншых блоках, застаўшыся ў тэмах конкурсных работ. На гэты раз вельмі шмат чалавечых гісторый, унікальных, складаных па-свойму, яскравых і значных, якія для кагосьці могуць стаць прыкладам, для кагосьці - навукай", - адзначыў дырэктар фестывалю.
Пераможцаў вызначыць міжнароднае журы, куды ўвойдуць вядомыя кінадакументалісты, палітолагі і журналісты. У час фестывалю пройдуць паказы фільмаў-фіналістаў, сустрэчы з аўтарамі, круглыя сталы, дзе ўдзельнікі і госці форуму змогуць абмеркаваць актуальныя тэмы з вядомымі экспертамі з краін СНД, блізкага і далёкага замежжа.
Фестываль адкрыецца 1 кастрычніка ў кінатэатры "Беларусь" фільмам беларускага аўтара Ігара Пазняка "Знак роўнасці", а завершыцца 4 кастрычніка стужкай "Адаптацыя" рэжысёра Манэ Багдасарана з Арменіі.
Конкурсныя паказы пачнуцца 2 кастрычніка. Асноўныя мерапрыемствы форуму праходзяць у Мінску. У прыватнасці, яго пляцоўкамі ў беларускай сталіцы стануць кінатэатр "Беларусь" і Беларускі дзяржаўны ўніверсітэт.
Смаленск па традыцыі прымае моладзевы конкурс кароткаметражных дакументальных фільмаў "Еўразія. DOC: 4 мінуты", пераможцаў якога ўзнагародзілі 30 верасня.
Фестываль праводзіцца пры падтрымцы Міждзяржаўнага фонду гуманітарнага супрацоўніцтва дзяржаў - удзельніц СНД (МФГС). Партнёры форуму - Беларускі саюз журналістаў і Беларускі саюз кінематаграфістаў.
1 кастрычніка 2019, Мінск
БЕЛТА
"Усе яны былі разгледжаны, і аргкамітэт адабраў 28 лепшых работ з 12 краін, якія ўвайшлі ў кароткую фінальную праграму. Гэта Азербайджан, Арменія, Беларусь, Расія, Кыргызстан, ЗША, Таджыкістан, Эстонія, Літва, Казахстан, Грузія, Украіна. На наш погляд, мы кожны год робім крок наперад, ёсць разуменне, што фестываль развіваецца", - расказаў Валерый Шахаўцоў.
Паводле яго слоў, тэматыка работ пастаянна пашыраецца. "Пачыналі мы з дакументальна-палітычнага кіно, але з`яўляліся новыя блокі, фільмы, тэмы. Пры гэтым мы захоўваем свой галоўны крытэрый адбору: фільмы павінны непасрэдна і ўскосна закранаць актуальныя праблемы або пытанні грамадска-палітычнага жыцця краін СНД. У нас сфармаваліся блокі. У мінулым годзе гэта былі "Грамадства", "Палітыка", "Гісторыя", "Культура", "Чалавек".
У гэтым годзе палітыка нейкім чынам размяшалася ва ўсіх іншых блоках, застаўшыся ў тэмах конкурсных работ. На гэты раз вельмі шмат чалавечых гісторый, унікальных, складаных па-свойму, яскравых і значных, якія для кагосьці могуць стаць прыкладам, для кагосьці - навукай", - адзначыў дырэктар фестывалю.
Пераможцаў вызначыць міжнароднае журы, куды ўвойдуць вядомыя кінадакументалісты, палітолагі і журналісты. У час фестывалю пройдуць паказы фільмаў-фіналістаў, сустрэчы з аўтарамі, круглыя сталы, дзе ўдзельнікі і госці форуму змогуць абмеркаваць актуальныя тэмы з вядомымі экспертамі з краін СНД, блізкага і далёкага замежжа.
Фестываль адкрыецца 1 кастрычніка ў кінатэатры "Беларусь" фільмам беларускага аўтара Ігара Пазняка "Знак роўнасці", а завершыцца 4 кастрычніка стужкай "Адаптацыя" рэжысёра Манэ Багдасарана з Арменіі.
Конкурсныя паказы пачнуцца 2 кастрычніка. Асноўныя мерапрыемствы форуму праходзяць у Мінску. У прыватнасці, яго пляцоўкамі ў беларускай сталіцы стануць кінатэатр "Беларусь" і Беларускі дзяржаўны ўніверсітэт.
Смаленск па традыцыі прымае моладзевы конкурс кароткаметражных дакументальных фільмаў "Еўразія. DOC: 4 мінуты", пераможцаў якога ўзнагародзілі 30 верасня.
Фестываль праводзіцца пры падтрымцы Міждзяржаўнага фонду гуманітарнага супрацоўніцтва дзяржаў - удзельніц СНД (МФГС). Партнёры форуму - Беларускі саюз журналістаў і Беларускі саюз кінематаграфістаў.
1 кастрычніка 2019, Мінск
БЕЛТА
Ссылка на текущий документ: http://belarus.kz/aktueller/2-3/222/50041
Текущая дата: 16.11.2024