Якія падзеі адбыліся 16 траўня і чым азнаменаваны гэты дзень у народным календары, чытайце далей:

У 1674 годзе Ян Сабескі быў абраны каралём польскім і вялікім князем літоўскім.

У 1686 годзе паміж Расіяй і Рэччу Паспалітай падпісаны "вечны мір", Расія атрымала Смаленшчыну, Чарнігаўшчыну і Кіеў.

У 1889 годзе была ўпершыню апублікавана паэма "Тарас на Парнасе" (у газеце "Минский листок").

У 1986 годзе ў Гродна быў адкрыты Дом-музей Максіма Багдановіча.

1911 год: Васіль Вітка, класік беларускай дзіцячай літаратуры.

1955 год: Вольга Корбут, гімнастка, чатырохразовая алімпійская чэмпіёнка

Таксама сёння нарадзіліся рускі паэт Ігар Севяранін, паэт і рок-музыкант Юрый Шаўчук і  амерыканская кінаактрыса Меган Фокс.

Сёння праваслаўныя вернікі шануюць памяць пакутнікаў Цімафея і Маўры.

У народзе гэты дзень называлі Маўра Малочніца, таму што ў кароў, якія ўдосталь наеліся травы, з`яўлялася шмат малака.

16 траўня лічыцца днём, добрым для высадкі расады капусты ў глебу. У гародзе ўжо з`явілася шчаў`е, крапіва і лебяда – травы, з якіх у Беларусі варылі бацвінне, калі не было капусты.

Калі ў гэты дзень было шмат расы, чакаецца добры ўраджай агуркоў.  

Sputnik, 16 траўня 2019