Гэты дзень з`яўляецца шэсцьдзясят трэцім па грыгарыянскім календары, да канца года засталося 302 дні.
Сёння пачынаецца Масленічны тыдзень. Якія яшчэ падзеі адбыліся 4 сакавіка і чым азнаменаваны гэты дзень у народным календары, чытайце далей:
Гістарычныя падзеі 4 сакавіка
У 1386 годзе Ягайла быў каранаваны польскай каралеўскай каронай як Уладзіслаў II.
У 1956 годзе ў Беластоку пачала выходзіць газета "Ніва".
Хто нарадзіўся 4 сакавіка
1634 год: Казімір Лышчынскі, вялікалітоўскі філосаф.
1782 год: Казімір Ельскі, беларускі скульптар.
1890 год: Вінцук Адважны, беларускі пісьменнік, каталіцкі святар усходняга абраду, паэт, публіцыст.
1911 год: Васіль Стома, беларускі пісьменнік.
1938 год: Леанід Трушко, беларускі акцёр.
Таксама сёння нарадзіліся італьянскі кампазітар і скрыпач Антоніа Вівальдзі і французскі кампазітар Поль Марыа.
4 сакавіка ў народным календары
Сёння праваслаўныя вернікі шануюць памяць апосталаў ад 70-ці Архіпа і Філімона, а таксама роўнаапостальнай пакутніцы Апфіі.
У гэтым годзе 4 сакавіка пачынаецца Масленічны тыдзень. З гэтага дня ў вёсках ладзілі гулянні, ярмаркі, пеклі бліны, якія можна было есці з ікрой, маслам, смятанай, мёдам і іншымі прысмакамі.
Сонечны дзень 4 сакавіка прадвяшчае ўрадлівы год. Калі яшчэ не сышоў снег, лічылася, што вясна будзе позняя, пацяплее яшчэ не хутка.
Sputnik, 4 сакавіка 2019
Ссылка на текущий документ: http://belarus.kz/aktueller/2-3/251/47008
Текущая дата: 15.11.2024