У Мінскім Палацы мастацтваў 18 красавіка адкрылася рэспубліканская выстава сучаснага мастацтва "Вяртанне вобраза. Да 130-годдзя Марка Шагала".
Адкрываючы мерапрыемства, першы намеснік міністра культуры Ірына Дрыга адзначыла, што ў гісторыі суверэннай Беларусі гэта трэцяя агульнарэспубліканская экспазіцыя сучаснага мастацтва.
"Цяперашняя выстава мае сваю асаблівасць, паколькі супадае з тым годам, калі ўвесь свет і ўся Беларусь адзначае 130-годдзе аднаго з роданачальнікаў сучаснага мастацтва - Марка Шагала.
Вельмі сімвалічна, што яе дэвіз - "Вяртанне вобраза". Тут прадстаўлены розныя вобразы: ад вобразаў матэрыяльнай культуры да загадкавых і супярэчлівых. Але ўсе яны падкрэсліваюць непарыўнасць і пераемнасць традыцый авангарднага мастацтва, творчага пошуку. Выстава нагадвае і аб тым, што Беларусь была калыскай авангардызму ў пачатку ХХ стагоддзя", - падкрэсліла яна.
Ірына Дрыга заклікала развіваць і падтрымліваць сучаснае мастацтва. Яна таксама зачытала віншаванне, якое накіраваў удзельнікам і гасцям выставы міністр культуры Барыс Святлоў.
Як было адзначана ў час цырымоніі адкрыцця экспазіцыі, упершыню ў Беларусі сучаснае беларускае мастацтва прадстаўлена ў такім шырокім маштабе. Яно вызначаецца шматвектарнасцю развіцця, разнастайнасцю жанраў, форм, напрамкаў, і менавіта гэта ўключае яго ў актуальны міжнародны мастацкі культурны кантэкст.
У Палацы мастацтваў прадстаўлены работы жывапісу, графікі, скульптуры, дэкаратыўна-прыкладнога мастацтва, канцэптуальныя праекты аўтараў з Мінска і абласных гарадоў, творы вядомых і маладых мастакоў, студэнтаў Беларускай дзяржаўнай акадэміі мастацтваў.
У экспазіцыі дэманструецца работа Марка Шагала "Закаханыя" з калекцыі Белгазпрамбанка і, у працяг паэтыкі знакамітага майстра, творы айчынных і замежных мастакоў - удзельнікаў шагалаўскіх пленэраў у Віцебску, якія прайшлі ў 1994, 1997 і 2016 гадах, а таксама з калекцыі музея Марка Шагала ў Віцебску.
Арганізатарамі выставы выступаюць Міністэрства культуры Беларусі, Мінгарвыканкам, Нацыянальны цэнтр сучасных мастацтваў пры падтрымцы Беларускага саюза мастакоў, Беларускага саюза дызайнераў, Беларускай дзяржаўнай акадэміі мастацтваў. Экспазіцыя размясцілася на трох пляцоўках і будзе працаваць па 21 мая.
19 красавіка 2017, Мінск
БЕЛТА
"Цяперашняя выстава мае сваю асаблівасць, паколькі супадае з тым годам, калі ўвесь свет і ўся Беларусь адзначае 130-годдзе аднаго з роданачальнікаў сучаснага мастацтва - Марка Шагала.
Вельмі сімвалічна, што яе дэвіз - "Вяртанне вобраза". Тут прадстаўлены розныя вобразы: ад вобразаў матэрыяльнай культуры да загадкавых і супярэчлівых. Але ўсе яны падкрэсліваюць непарыўнасць і пераемнасць традыцый авангарднага мастацтва, творчага пошуку. Выстава нагадвае і аб тым, што Беларусь была калыскай авангардызму ў пачатку ХХ стагоддзя", - падкрэсліла яна.
Ірына Дрыга заклікала развіваць і падтрымліваць сучаснае мастацтва. Яна таксама зачытала віншаванне, якое накіраваў удзельнікам і гасцям выставы міністр культуры Барыс Святлоў.
Як было адзначана ў час цырымоніі адкрыцця экспазіцыі, упершыню ў Беларусі сучаснае беларускае мастацтва прадстаўлена ў такім шырокім маштабе. Яно вызначаецца шматвектарнасцю развіцця, разнастайнасцю жанраў, форм, напрамкаў, і менавіта гэта ўключае яго ў актуальны міжнародны мастацкі культурны кантэкст.
У Палацы мастацтваў прадстаўлены работы жывапісу, графікі, скульптуры, дэкаратыўна-прыкладнога мастацтва, канцэптуальныя праекты аўтараў з Мінска і абласных гарадоў, творы вядомых і маладых мастакоў, студэнтаў Беларускай дзяржаўнай акадэміі мастацтваў.
У экспазіцыі дэманструецца работа Марка Шагала "Закаханыя" з калекцыі Белгазпрамбанка і, у працяг паэтыкі знакамітага майстра, творы айчынных і замежных мастакоў - удзельнікаў шагалаўскіх пленэраў у Віцебску, якія прайшлі ў 1994, 1997 і 2016 гадах, а таксама з калекцыі музея Марка Шагала ў Віцебску.
Арганізатарамі выставы выступаюць Міністэрства культуры Беларусі, Мінгарвыканкам, Нацыянальны цэнтр сучасных мастацтваў пры падтрымцы Беларускага саюза мастакоў, Беларускага саюза дызайнераў, Беларускай дзяржаўнай акадэміі мастацтваў. Экспазіцыя размясцілася на трох пляцоўках і будзе працаваць па 21 мая.
19 красавіка 2017, Мінск
БЕЛТА
Ссылка на текущий документ: http://belarus.kz/aktueller/2-3/287/39113
Текущая дата: 08.09.2024