Толькі ў Гомельскай вобласці паказ адбудзецца ў 23 кінатэатрах.

Каманда Аляксандры Бутар працуе над папулярызацыяй карціны на замежнай кінапрасторы. Гатовы англійскія і літоўскія субтытры - фільм адправіцца да пракатчыкаў Польшчы, Чэхіі, Германіі і Літвы, а таксама на міжнародныя кінафорумы.

Над сцэнарыем працавалі Юлія Гірэль і Аляксандра Бутар. Гэта гісторыя аб тым, як чалавек з-за сваіх дзіцячых комплексаў, стаўшы дарослым, баіцца рызыкнуць і адкрыцца жыццю. У яго шмат комплексаў, але як толькі ён адважваецца на адзін просты крок за межы сваёй "асабістай прасторы", то ў яго жыцці ўсё мяняецца ў лепшы бок.

Паводле слоў рэжысёра, гэта сур`ёзная тэма, пададзеная ў лёгкай форме. У фільме "У асабістую прастору ўваход забаронены", які стаў першым прадзюсарскім праектам Аляксандры Бутар, заняты вядомыя беларускія акцёры Сяргей Жбанкоў, Ганна Палупанава.

Галоўнага героя іграе малады акцёр Эрык Абрамовіч, яго партнёрша - актрыса тэатра лялек Любоў Клок.

22 студзеня 2018, Мінск
БЕЛТА