У Мінску 21 сакавіка прафесійныя музыканты на працягу гадзіны ігралі творы Іягана Себасцьяна Баха ў пераходах метро.
Незвычайныя канцэрты прайшлі на дзесяці станцыях метрапалітэна. Яны былі прымеркаваныя да 330-годдзя з дня нараджэння кампазітара.
У акцыі ўзялі ўдзел прыкладна 20 музыкантаў: прадстаўнікі Асацыяцыі маладых беларускіх кампазітараў, салісты Беларускай дзяржаўнай філармоніі, студэнты Беларускай дзяржаўнай акадэміі музыкі і Беларускай дзяржаўнай акадэміі мастацтваў.
Дзмітрый Ларкоў, студэнт Беларускай дзяржаўнай акадэміі музыкі: "Гэтая акцыя прысвечаная дню нараджэння Іягана Себасцьяна Баха. Інструмент марымба, ён індыйскага паходжання, сваяк ксілафона, вібрафона. Сапраўдная марымба — з дрэва. Гэта 4 і 1/3 актавы. На ёй не вельмі зручна выконваць Баха, таму што не хапае актаў, там патрэбныя 5. Мы выконвалі творы з віяланчэльнай сюіты, але на марымбе выконваць не вельмі камфортна. Не так гучыць, як хацелася б.
Творы складаныя, развучвалі пад чуйным кіраўніцтвам выкладчыка. Бах музычна вельмі цяжкі. Рыхтаваліся месяц-два, і вось адкрылася магчымасць сыграць яго тут.
Людзі добра ўспрынялі, вельмі цікава было. Неабыякавыя людзі да такой музыкі. Гэта добра, гэта значыць, культура ў нашай краіне яшчэ ёсць. І спадзяюся, што яна будзе развівацца".
Ссылка на текущий документ: http://belarus.kz/aktueller/2-3/353/30200
Текущая дата: 18.11.2024