Паважаныя суайчыннікі!

Сардэчна віншую вас са Святам працы.

Вось ужо больш чым стагоддзе Першамай адзначаецца па ўсім свеце як дзень салідарнасці працоўных. Для нас гэта не толькі памятная дата, але і даніна глыбокай павагі да людзей працы, пацвярджэнне прынцыпаў сацыяльнай справядлівасці, сімвал веснавога абнаўлення і душэўнага ўздыму.

Працавітасць нашага народа, імкненне да згоды і парадку дазволілі дасягнуць поспехаў у пабудове трывалага сацыяльна-эканамічнага фундамента незалежнай Беларусі.

Нястомна, у карпатлівай і напружанай працы ствараецца нацыянальнае багацце і зацвярджаецца суверэнітэт краіны. Тым самым мы ўмацоўваем дабрабыт і бяспеку нашага агульнага дому.

Сумеснымі намаганнямі мы зможам зрабіць жыццё яшчэ больш годным і шчаслівым. І заўтрашні дзень прынясе нам толькі радасць стваральнай дзейнасці.

Няхай гэтае свята падорыць усім упэўненасць у будучыні, зарад бадзёрасці і добрага настрою. Зычу вам здароўя, міру, дабра і прафесійных дасягненняў.

Прэзідэнт Рэспублікі Беларусь Аляксандр Лукашэнка.
Звязда, 28 красавіка 2012

Ссылка на текущий документ: http://belarus.kz/aktueller/2-3/397/13843

Текущая дата: 14.06.2024