Якія падзеі адбыліся 8 снежня і чым адзначаны гэты дзень у народным календары, чытайце далей:

У 1409 годзе ў Бярэсці скончылася нарада Ягайлы і Вітаўта пра план сумесных вайсковых дзеянняў супраць Тэўтонскага ордэна.

У 1432 годзе адбылася Ашмянская бітва паміж войскамі вялікіх князёў Свідрыгайлы і Жыгімонта Кейстутавіча.

У 1506 годзе: Жыгімонт Стары быў выбраны каралём польскім.

У 1812 годзе расійскія войскі вызвалілі Гродна ў ходзе вайны 1812 года.

У 1926 годзе ў склад БССР увайшлі Рэчыцкі і Гомельскі паветы.

У 1991 годзе ў Белавежскай пушчы, у Віскулях, кіраўнікамі БССР, РСФСР і УССР дэнансаваны дагавор аб стварэнні СССР, створаны СНД.

У 1999 годзе адбылося падпісанне Дагавора аб стварэнні Саюзнай дзяржавы Беларусі і Расіі.

1929 год: Рыгор Родчанка, беларускі краязнавец, педагог, фалькларыст, паэт, літаратуразнавец.

1935 год: Эдуард Скобелеў, беларускі пісьменнік.

Таксама сёння нарадзіліся рымскі паэт Гарацый і каралева Шатландыі Марыя Сцюарт.

У гэты дзень праваслаўныя вернікі шануюць памяць Клімента І, апостала ад 70, і святапакутніка Пятра Александрыйскага.

У народзе Кліментаў дзень таксама называлі Клім Халодны, казалі: "Клім – клін клінам зіма выбівае, у мужыка марозам слязу гоніць". З гэтага дня пачыналіся сапраўдныя маразы.

Жанчыны садзіліся ла вакна і пралі: дзякуючы вялікай колькасці снегу, у хаце было светла. З дому імкнуліся не выходзіць: мароз, ды яшчэ і ваўкі падыходзілі блізка да вёскі.

Калі ў Кліментаў дзень ідзе снег, лета будзе дажджыстае. Многа снега – наступны год будзе ўраджайны.

Sputnik, 8 снежня 2023