Сёння праваслаўныя вернікі святкуюць Раство. Якія яшчэ падзеі адбыліся 7 студзеня і чым адзначаны гэты дзень у народным календары, чытайце далей:

У 1929 годзе ў Мінску пачала працаваць ІІ Усебеларуская краязнаўчая канферэнцыя.

У 1991 годзе пастановай урада Беларусі дні святкавання Каляд (25 снежня і 7 студзеня) аб’яўлены непрацоўнымі днямі.

1877 год: Стафан Багушэўскі, беларускі і польскі грамадска-палітычны дзеяч.

1907 год: Соф`я Друкер, беларуская оперная спявачка, народная артыстка Беларусі.

Таксама сёння нарадзіліся амерыканскі акцёр і рэжысёр Нікалас Кейдж і французскі дызайнер абутку Крысціян Лубутэн.

Сёння святкуецца Раство Хрыстова.

Напярэдадні з`яўлення на свет Ісуса Іосіф і Марыя адправіліся ў Віфлеем для перапісу насельніцтва. Яны не знайшлі начлегу ў горадзе, і ім дазволілі пераначаваць ў хляве. У гэтую ноч Марыя нарадзіла сына і паклала яго ў яслі, нібыта ў калыску.

Першымі пра нараджэнне Збавіцеля даведаліся пастухі, да якіх з`явіўся анёл. Яны прыйшлі ў пячору пакланіцца яму. На небе ў гэтую ноч з`явілася новая яркая зорка, якая абвясціла ўсяму свету пра тое, што нарадзіўся Сын Божы.

У гэты дзень вернікі, успамінаючы вялікі цуд нараджэння, збіраюцца ў храмах, дзе праводзяцца святочныя набажэнствы.

Таксама 7 студзеня па традыцыі неабходна хадзіць у госці ці запрашаць гасцей у свой дом.

У народзе верылі, што адліга ў гэты дзень абяцае цёплую і раннюю вясну.

Sputnik, 7 студзеня 2024