Дарагія сябры!

Ад усёй душы віншую вас з Днём медыцынскіх работнікаў.

Разам з вамі ўся краіна адзначае ваша прафесійнае свята. Гэта знак глыбокай павагі і ўдзячнасці ўрачам, навукоўцам-медыкам, малодшаму і сярэдняму медыцынскаму персаналу, правізарам і фармацэўтам.

Айчынная ахова здароўя інтэнсіўна развіваецца. У распараджэнні беларускіх урачоў маюцца самыя сучасныя тэхналогіі, эфектыўныя метады дыягностыкі і найноўшае абсталяванне. Усё гэта дазваляе перамагаць хваробы, якія яшчэ зусім нядаўна лічыліся невылечнымі.

Але вырашальная роля ў медыцыне заўсёды будзе належаць людзям, адданым свайму прызванню. Дзякуючы вашым ведам, досведу і таленту пацыенты набываюць здароўе і вяртаюцца да паўнацэннага жыцця.

Прыміце словы шчырай падзякі за самаахвярнае служэнне абавязку, высокі прафесіяналізм і добрыя сэрцы.

Зычу вам новых працоўных поспехаў, шчасця і дабрабыту.

Прэзідэнт Рэспублікі Беларусь Аляксандр Лукашэнка.

Звязда, 16 чэрвеня 2012

Ссылка на текущий документ: http://belarus.kz/aktueller/2-3/419/14660

Текущая дата: 28.12.2024