"У гэтым годзе адбудзецца ўжо 11-ты фестываль, прысвечаны дудзе, — расказаў арганізатар "Дударскага фэсту", лідар гурту "Стары Ольса" Зміцер Сасноўскі. — Гэты інструмент мы лічым ці не самым старым музычным інструментам Беларусі, які большасць людзей ведае пад назвай валынка. З часу правядзення першага фестывалю ўсё вельмі змянілася, на гэты раз мы сустракаем яго выхадам першага нумара часопіса Dudar і кнігі па гісторыі беларускай музыкі".

Паводле слоў Сасноўскага, з года ў год расце колькасць і пашыраецца геаграфія удзельнікаў фэсту. Акрамя таго, змяняецца музычная стылістыка — у мінулыя гады цяжкі рок спалучаўся з фальклорам з выкарыстаннем беларускай валынкі, зараз адбываецца спалучэнне традыцыйных інструментаў з дзіджэйскім суправаджэннем. "З`яўляюцца гурты, у якіх граюць дзеці, — паведаміў лідар "Старога Ольсы", — і гэта вельмі ўсцешвае, дазваляе глядзець у будучыню з аптымізмам".

БелаПАН
4 красавіка 2012

Ссылка на текущий документ: http://belarus.kz/aktueller/2-3/423/13273

Текущая дата: 16.11.2024