Выказванні прадстаўніка АБСЕ па свабодзе СМІ Дуні Міятавіч наконт уключэння беларускіх журналістаў у спісы неўязных у краіны ЕС маюць заказны характар і навязаны чыноўнікамі Еўрасаюза і ЗША. Аб гэтым заявіў адказны сакратар Беларускага саюза журналістаў Вадзім Гігін, каментуючы адказ Дуні Міятавіч на зварот БСЖ з патрабаваннем аднавіць правы прадстаўнікоў беларускіх масмедыя, адносна якіх прыняты санкцыі з боку ЕС.
Вадзім Гігін адзначыў, што пазіцыя пані Міятавіч яго ніколькі не здзівіла, іншых выказванняў ад яе ён не чакаў. "Вопыт адносін з еўрапейскімі чыноўнікамі паказвае, што яны агучваюць практычна адны і тыя ж завучаныя каноны, як некалі ў горшых традыцыях марксізму-ленінізму застойных часоў. Яны завучылі пэўныя фразы і з некаторай перыядычнасцю іх паўтараюць, не прымяраючы да сітуацыі". Паводле яго слоў, "заўсёды цікава выслухоўваць навучанні ад прадстаўнікоў неафіцкіх краін у заходняй супольнасці", у прыватнасці ад Дуні Міятавіч, якая прадстаўляе Боснію і Герцагавіну. "Вядома, у Босніі і Герцагавіне ўсё ў парадку са свабодай прэсы, з журналістыкай. Боснія і Герцагавіна з`яўляецца ўзорам дэмакратыі, міжнацыянальных адносін", — іранічна адзначыў Вадзім Гігін, дадаўшы, што спробы прадстаўнікоў такіх краін нас павучаць выглядаюць забаўна. Журналіст перакананы, што эксперт АБСЕ па свабодзе СМІ зусім не свабодна ў сваіх выказваннях: яна "чалавек паднявольны" і "выступае рупарам рашэнняў, прынятых у вялікіх еўрапейскіх сталіцах і Вашынгтоне". "Пасля таго, як НАТА разбамбіла яе родную краіну, яна адчувае вялікі страх перад заходняй супольнасцю, з`яўляецца, з аднаго боку, глыбока напалоханым чалавекам, з іншага боку — знаходзіцца на ўтрыманні гэтай супольнасці, і ніякіх іншых заяў, акрамя прынятых ёю, яна агучыць не можа", — лічыць Вадзім Гігін. Яго таксама здзіўляе, што прадстаўніца "такой супердэмакратычнай краіны, як Боснія і Герцагавіна", бярэ на сябе паўнамоцтвы падзяляць журналістаў у Беларусі на "сумленных" і "несумленных".
У сваім пісьме Міятавіч таксама спасылаецца на адсутнасць прафесійных інтарэсаў у "неўязных" журналістаў у краінах ЕС, адзначае, што яны займаюць пасады кіраўнікоў і пазбаўленне іх магчымасці трапіць у ЕС нібыта не мае дачынення да парушэння свабоды СМІ.
Вадзім Гігін назваў такія выказванні "адкрытай фальсіфікацыяй, паколькі значная частка тых, хто ўключаны ў спіс, не займаюць кіруючыя пасады ў сваіх СМІ". "Або Дуня Міятавіч не ведае сітуацыі ў Беларусі, або яна яе фальсіфікуе, або карыстаецца недакладнай інфармацыяй, якая прадастаўляецца глыбока ангажаванымі людзьмі". "А што, калі людзі з`яўляюцца кіраўнікамі СМІ, супраць іх можна прымяняць санкцыі? Няўжо Еўрапейская хартыя свабоды прэсы падзяляе журналістаў на кіраўнікоў СМІ і выканаўцаў? Там няма такога падраздзялення", — падкрэсліў Вадзім Гігін. На яго думку, пані Міятавіч кіруецца парадамі "пятай калоны, якая дзейнічае ў Беларусі і спрабуе настроіць заходнюю супольнасць (зусім не сусветную супольнасць, як яны падаюць) супраць Беларусі, супраць тых людзей, якія выказваюць адрозны ад іх пункт гледжання".
Звязда
28 красавіка 2011
У сваім пісьме Міятавіч таксама спасылаецца на адсутнасць прафесійных інтарэсаў у "неўязных" журналістаў у краінах ЕС, адзначае, што яны займаюць пасады кіраўнікоў і пазбаўленне іх магчымасці трапіць у ЕС нібыта не мае дачынення да парушэння свабоды СМІ.
Вадзім Гігін назваў такія выказванні "адкрытай фальсіфікацыяй, паколькі значная частка тых, хто ўключаны ў спіс, не займаюць кіруючыя пасады ў сваіх СМІ". "Або Дуня Міятавіч не ведае сітуацыі ў Беларусі, або яна яе фальсіфікуе, або карыстаецца недакладнай інфармацыяй, якая прадастаўляецца глыбока ангажаванымі людзьмі". "А што, калі людзі з`яўляюцца кіраўнікамі СМІ, супраць іх можна прымяняць санкцыі? Няўжо Еўрапейская хартыя свабоды прэсы падзяляе журналістаў на кіраўнікоў СМІ і выканаўцаў? Там няма такога падраздзялення", — падкрэсліў Вадзім Гігін. На яго думку, пані Міятавіч кіруецца парадамі "пятай калоны, якая дзейнічае ў Беларусі і спрабуе настроіць заходнюю супольнасць (зусім не сусветную супольнасць, як яны падаюць) супраць Беларусі, супраць тых людзей, якія выказваюць адрозны ад іх пункт гледжання".
Звязда
28 красавіка 2011
Ссылка на текущий документ: http://belarus.kz/aktueller/2-3/460/6179
Текущая дата: 23.12.2024