А вы ведаеце, што ў гэты дзень у 1883 годзе была здзейснена першая перадача навін пасродкам тэлеграфа, а ў 1920-м у ЗША далі права голасу на выбарах жанчынам? Якія яшчэ падзеі адбыліся 26 жніўня і чым адзначаны гэты дзень у народным календары, чытайце далей:

У 1671 годзе гетман Ян Сабескі перамог казацка-татарскае войска ў бітве пад Брацлавым.

У 1993 годзе Беларусь устанавіла дыпламатычныя адносіны з Сырыяй.

У 2013 годзе ў Пасольстве Беларусі ў Парыжы адбылося падпісанне Сумеснага камюніке аб устанаўленні дыпламатычных адносін паміж Рэспублікай Беларусь і Рэспублікай Джыбуці.

1880 год: Гіём Апалінэр, французскі паэт беларускага паходжання.

1935 год: Святлана Клімковіч, беларуская пісьменніца.

1936 год: Уладзімір Рубцоў, беларускі мастак-жывапісец.

Таксама ў гэты дзень нарадзіліся французскі хімік Антуан Лавуазье, маці Тэрэза і расійская спявачка Земфіра.

Праваслаўныя вернікі сёння ўспамінаюць святога Ціхана Задонскага, які валодаў дарам прасвятлення і здзяйснення цудаў, мяркуюць нават, што ён мог чытаць думкі людзей. Зараз на месца яго жыцця і службы з`язджаюцца паломнікі, каб вылячыцца ад хвароб.

Акрамя таго, у праваслаўнай царкве сёння ўшаноўваюць Церпячую ікону Божай Маці, на якой маецца выява пакут Хрыстовых: з ёю абыходзілі дом.

У гэты дзень таксама назіралі за надвор`ем: калі ішоў дождж, верасень таксама будзе дажджысты, а калі няма ветру – наступныя дні будуць ветраныя.

Sputnik, 26 жніўня 2023