У рамках праекта "Мосты дружбы: Россия – Беларусь" у канцэртнай зале "Верхні горад" Мінска адбылося выступленне лаўрэата міжнародных і рэспубліканскіх конкурсаў, народнага струннага ансамбля "Амелия", выканаўцаў з Санкт-Пецярбурга, Маладзечна і Мінска. На канцэрце пабываў калумніст Sputnik Яўген Агурцоў-Кржыжаноўскі.

"Струнный квинтет "Амелия" – гэта састаўная частка нашага сімфанічнага аркестра каледжа імя Агінскага з Маладзечна", - сказаў заслужаны дзеяч культуры Беларусі, заснавальнік і мастацкі кіраўнік аркестра Рыгор Сарока.

Ён расказаў, што квінтэт прадстаўляе музыку кампазітара Леаніда Левашкевіча. Сучасны пецярбургскі кампазітар, аўтар больш за 150 музычных твораў, Левашкевіч з’яўляецца ўраджэнцам Беларусі.

Выступаючы перад пачаткам канцэрта і прадстаўляючы мастацкага кіраўніка квінтэта "Амелия" Валерыю Маліноўскую, Левашкевіч расказаў, адкуль чэрпае натхненне для сваёй творчасці.

"Я не проста люблю, я жыву прыродай і малюю яе нотамі", - сказаў кампазітар.

"Мы пакажам вам усе поры года, я б сказаў памесячна, пачынаючы з сакавіка і заканчваючы лютым", - распавёў Левашкевіч.

На канцэрце прагучалі мелодыі дванаццаці месяцаў года кампазітара Левашкевіча, а таксама творы Ігара Лучанка, Мікаэла Тарывердзіева, Арно Бабаджаняна, якія выканалі лаўрэат міжнародных конкурсаў Андрэй Бараненка (фартэпіяна) з Санкт-Пецярбурга, салісткі Маладзечанскага народнага моладзевага музычнага тэатра Вольга Кохан і Вольга Барысава, Мікалай Карпіевіч і іншыя.

Падчас канцэрта "Мосты дружбы" было зачытана прывітанне ад губернатара Санкт-Пецярбурга Аляксандра Бяглова, у якім гаварылася аб агульных каштоўнасцях і вялікіх перспектывах Саюзнай дзяржавы і братэрства двух народаў.

"Мосты дружбы" з’яўляюцца часткай праекта "Созидающий мир" мецэната Вячаслава Заранкова. Праект аб’ядноўвае пад сваёй эгідай некалькі напрамкаў – выяўленчае мастацтва, літаратуру, кіно і, безумоўна, музыку.

Sputnik, 5 ліпеня 2023