Якія падзеі адбыліся 14 красавіка і чым адзначаны гэты дзень у народным календары, чытайце далей:

У 1432 годзе пачалося праўленне Жыгімонта Кейстутавіча, вялікага князя літоўскага, які доўгі час не ўсімі часткамі ВКЛ прызнаваўся за законнага правіцеля.

У 1923 годзе ў Вільні скончыўся з’езд педагогаў беларускіх гімназій.

1853 год: Уладзімір Завітневіч, беларускі археолаг і гісторык.

1880 год: Язэп Дыла, беларускі пісьменнік і культурны дзеяч.

1910 год: Алесь Пруднікаў, беларускі паэт.

Таксама сёння нарадзіліся рускі пісьменнік Дзянiс Фанвізін і літоўскі кінарэжысёр Вітаўтас Жалакявічус.

У гэты дзень праваслаўная Царква шануе памяць святога цудатвораца Еўфімія Суздальскага, святога Аўрамія Балгарскага, Уладзімірскага цудатворца, а таксама святую Марыю Егіпецкую. Сонца ў гэты дзень на ўсю моц пачынае свяціць і гуляць блікамі на снезе, калі ён яшчэ застаўся, і ў ручаях.

Па гэтым дні можна даведацца, якое надвор`е будзе летам. Так, калі 14 красавіка сонечна, лета таксама будзе цёплае, а калі пахмурна і хмары нізка плывуць – вясна працягнецца доўга, а лета будзе кароткае.

Sputnik, 14 красавіка 2023