«Вы ўсе вялікія малайчыны! Ведаю, што ваш творчы патэнцыял яшчэ далёка не вычарпаны. Час патрабуе большай дынамікі ад кожнага з нас, — сказаў Аляксандр Лукашэнка. — І я жадаю вам пастаянна адкрываць у сабе новыя грані, дасягаць новых вышынь прафесіі, старацца быць на крок наперадзе таго самага бягучага моманту, пра які мы гаворым».

За плённую працу, высокі прафесіяналізм, значны асабісты ўклад у развіццё нацыянальнай журналістыкі і тэлебачання, выдатныя дасягненні ў сферы тэатральнага і музычнага мастацтва медаля Францыска Скарыны ўдастоены начальнік аддзела па асвятленні дзейнасці Прэзідэнта Беларусі Беларускага тэлеграфнага агенцтва Уладзімір Мацвееў, загадчык аддзела навін культуры галоўнай дырэкцыі «Агенцтва тэлевізійных навін» Нацыянальнай дзяржаўнай тэлерадыёкампаніі Міхаіл Равуцкі, саліст Нацыянальнага акадэмічнага народнага аркестра ім. І. Жыновіча Андрэй Коласаў, а таксама галоўны рэжысёр Нацыянальнага акадэмічнага Вялікага тэатра оперы і балета Ганна Маторная і саліст — вядучы майстар сцэны гэтага тэатра Дзмітрый Шабеця.

Звязда, 14 студзеня 2023