Гэты дзень з`яўляецца дзвесце сорак дзевятым па грыгарыянскім календары, да канца года застаецца 116 дзён.
А вы ведалі, што ў гэты дзень у 1492 годзе Хрыстафор Калумб пачаў сваю першую экспедыцыю з Канарскіх астравоў? Якія яшчэ падзеі адбыліся 6 верасня і чым адзначаны гэты дзень у народным календары, чытайце далей:
Гістарычныя падзеі 6 верасня
У 1928 годзе СССР далучыўся да пакта Брыяна — Келога пра вырашэнне міжнародных спрэчак мірным шляхам.
У 1991 годзе СССР прызнаў незалежнасць Латвіі, Літвы і Эстоніі.
Хто нарадзіўся 6 верасня
1903 год: Мікола Дварэцкі, беларускі паэт.
1946 год: Вячаслаў Селяменеў, беларускі навуковец-гiсторык, архiвiст.
1986 год: Іна Жукава, беларуская гімнастка.
Таксама сёння нарадзіўся англійскі фізік, лаўрэат Нобелеўскай прэміі па фізіцы Эдуард Віктар Эплтан.
6 верасня ў народным календары
Сёння праваслаўныя вернікі шануюць памяць пакутніка Еўціхія, які быў вучнем Іаана Багаслова. Па сугуччы з іменем святога гэты дзень называлі Еўціхій Ціхі і маліліся аб безветраным надвор`і.
Але звычайна ў гэтую пару ўжо пачыналіся дажджы, і той, хто марудзіў з уборкай, рызыкаваў страціць ураджай.
Назіралі за надвор`ем: калі на небе цяжкія хмары – хутка пахаладае, а калі пойдзе дождж – восень, наадварот, будзе сухая.
Sputnik, 6 верасня 2022
Ссылка на текущий документ: http://belarus.kz/aktueller/2-3/94/66410
Текущая дата: 18.11.2024