Сёння адзначаецца Сусветны дзень барацьбы супраць гепатыта. Якія яшчэ падзеі адбыліся 28 ліпеня і чым азнаменаваны гэты дзень у народным календары, чытайце далей:

У 1655 годзе адбылася бітва пад Ашмянамі ў ходзе вайны Расіі з Рэччу Паспалітай (1654—1667), расійскія войскі перамаглі атрады арміі Рэчы Паспалітай.

У 1944 годзе Савецкія войскі занялі Брэст. Беларусь цалкам вызвалена з-пад нямецкай акупацыі.

1812 год: Юзаф Крашэўскі, беларускі і польскі пісьменнік, гісторык і фалькларыст.

Таксама сёння нарадзіліся нямецкі філосаф Людвіг Андрэас Феербах і французскі і амерыканскі мастак Марсель Дзюшан.

Сёння праваслаўныя вернікі шануюць памяць наўгародскага князя Уладзіміра Святаславіча, пры якім адбылося хрышчэнне Русі.

Таксама ўспамінаюць святых пакутнікаў Кірыка і Уліту.

Дзень лічыўся не вельмі спрыяльным. Калі была магчымасць, у яго імкнуліся не рабіць нічога важнага і адмовіцца ад прыняцца рашэнняў. У поле таксама не выходзілі, таму што баяліся шкоды з боку нячыстых сіл. Да таго ж, звычайна ў гэты дзень дрэннае надвор`е.

Калі 28 ліпеня дзьме паўднёвы вецер, надвор`е будзе яснае. Усходні нясе з сабой дождж. Калі чуваць грымоты – будзе лівень. Вячэрняя мгла таксама прадвяшчае дождж.

Sputnik, 28 ліпеня 2022