Якія падзеі адбыліся 23 ліпеня і чым азнаменаваны гэты дзень у народным календары, чытайце далей:

У 1792 годзе адбылася бітва пад Берасцем вялікалітоўскіх войскаў Рэчы Паспалітай з Расіяй.

У 1922 годзе ў кафедральным праваслаўным саборы Святых апосталаў Пятра і Паўла ў Мінску адбыўся царкоўны сінод, які вырашыў стварыць аўтаномную беларускую мітраполію.

У 1992 годзе Беларусь усталявала дыпламатычныя адносіны са Славеніяй.

1964 год: Ігар Сідарук, беларускі празаік, драматург.

Таксама сёння нарадзіліся амерыканскі акцёр Вудзi Харыльсан і брытанскі акцёр Дэніэл Рэдкліф.

Сёння праваслаўныя вернікі шануюць памяць святога Антонія Пячэрскага.

У народзе святога называлі Антоній Расачнік. У гэты дзень хадзілі да вазёр і вадаёмаў назіраць за раскай. Па ёй прадказвалі надвор`е на бліжэйшыя дні. Калі раскі шмат, надвор`е будзе добрым, а год – ураджайным. Калі ж расліны няшмат, меркавалі, што і ўраджаю не будзе.

Добрае надвор`е таксама можна было чакаць, калі ноччу прайшла навальніца. А вось смоўжы, якія палезлі на дрэвы, прадвяшчалі ліўні. Увогуле, з гэтага часу надвор`е пачынае псавацца.

Sputnik, 23 ліпеня 2022