Якія падзеі адбыліся 25 ліпеня і чым азнаменаваны гэты дзень у народным календары, чытайце далей:

У 1410 годзе войскі Польшчы і ВКЛ пачалі аблогу сталіцы Тэўтонскага ордэна, горада Марыенбурга.

У 1434 годзе Уладзіслаў III Варненчык быў каранаваны на польскі сталец.

У 1853 годзе ў Мінску створана першая прафесійная пажарная каманда.

У 1917 годзе ў Мінску скончыўся З’езд беларускіх арганізацый i партый, які ўтварыў Цэнтральную раду беларускіх арганізацый.

У 1993 годзе ў Лідзе паставілі помнік Францыску Скарыну.

1840 год: Юльян Крачкоўскі, беларускі фалькларыст, этнограф, гісторык і педагог.

1912 год: Сяргей Астрэйка, беларускі паэт.

1937 год: Дзмітрый Смольскі, беларускі кампазітар і педагог

1954 год: Валянціна Аколава, беларуская паэтэса, перакладчыца

Таксама сёння нарадзіліся рускі мастак Апалінарый Васняцоў і рускі пісьменнік Васіль Шукшын.

Сёння праваслаўныя вернікі шануюць памяць святых пакутнікаў Прокла і Іларыя.

У народным календары гэты дзень называлі Прокл вялікія росы. Казалі: "На Прокла поле ад расы прамокла". Да гэтага часу збіралі сена, таму што пасля з-за вільгаці яно пачынала гніць.

Расу на Прокла збіралі на льняныя прасціны і абціралі ёй дзяцей, таму што верылі: так яны вырастуць здаровымі.

Калі дзень 25 ліпеня сонечны, восень будзе сухая і цёплая. Калі ж прахалодны – зіма будзе ранняя і халодная.

Sputnik, 25 ліпеня 2022